Հավասարություն և ժողովրդավարություն կուսակցության 2011 հունիսի նախընտրական կազմակերպչական գործունեությունը թափ ստացավ: Այս շրջանում, երբ մեկը մյուսի հետևից բազմաթիվ նահանգային և գավառային կազամկերություններ են ստեղծվում, Շիշլի գավառում (թաղամաս), որտեղ հոծ թվով հայեր են ապրում, և որտեղ գտնվում է ՙԱկօս՚ թերթի խմբագրությունը, Քայուշ Չալըքման Գավրիլոֆի նախագաությամբ ստեղծվեց վարչական խորհուրդ:
Սայաթ-Նովա երգչախմբի անդամ Չալըքման Գավրիլոֆը կանանց իրավունքների ակտիվիստ և միևնույն ժամանակ խեցեգործության վարպետ է:
Քայուշ Չալըքման Գավրիլոֆը, ով հայկական համայնքի սիրելի դեմքերից մեկն է, պաշտոնը ստանձնելուն պես անմիջապես գործի անցնելով, իջավ Շիշլիի փողոցները: Հունվարի 8-ին Հավասարություն և ժողովրդավարություն կուսակցության Շիշլիի անդամները միասին կուսակցության կազմակերպած «Մի խոչընդոտեք ազատ կրթությանը» արշավի շրջանակում տաղավար բացեցին: Տաղավարում, ուր այցելել էին ՙԱկօս՚ թերթի հոդվածագիր, գրող Բագրատ Էսթուկյանը և նկարիչ Ույգար Գյուլթեքինը, «Բոլորին հավասարություն, ամեն տեղ ժողովրդավարություն» լոզունգի շրջանակում կրթության ոլորտում առկա խոչընդոտները վերացելու համար հավաքվեց բազմաթիվ ստորագրություն:
08.01.2010
Leave a Reply