Համայնքի առաջնորդի հանդեպ մահափորձը կցվեց Էրգենեքոնի գործին

 Սվասում հայկական համայնքի առաջնորդի հանդեպ մահափորձի դատական գործը կցվեց Էրգենեքոնի երկրորդ դատական գործին:

 Սվասում ոսկերչությամբ զբաղվող հայ համայնքի առաջնորդ Մինաս Դուրմազգյուլերի հանդեպ մահափորձ ծրագրելու և էրգենեքոնի գործով մեղադրյալ Իբրահիմ Շահինի հետ կապված լինելու մեղադրանքով Բեքիր Չելիքի ու Էմրեհ Գյոնենջի դեմ «Զինված ահաբեկչական կազմակերպությանն անդամակցելու» հոդվածով դատական գործը հասավ ավարտին:

Ստամբուլի 13-րդ քրեական ծանր հանցագործությունների դատարանի կազմը միաձայն որոշում կայացրեց այս դատական գործը կցել Էրգենեքոնի երկրորդ դատական գործի հետ, որի մեղադրյալների շարքում է նաև Իբրահիմ Շահինը, քանի որ այս երկու գործերի միջև առկա են փաստացի և իրավական կապեր:

Դատարանը, որը որոշեց գրություն հղել` Էմրահ Գյոնենջիի ամբողջական հասցեն հաստատելու համար, կասկածյալ, որի վերաբերյալ հայտնել են, թե գտնվում է արտերկրում, վճռեց նաև վերոնշյալ մեղադրյալների հարցաքննությանն ու պաշտպանական ճառերին անցնել Էրգենեքոնի երկրորդ դատական գործով մեղադրյալների հարցաքննության ու պաշտպանության ավարտից հետո:

Բացի այդ՝ դատարանը վճռեց պահանջել Սվասի առաջին հաշտարար դատարանում մինչ այդ «Փամփուշտ արձակող զենքերի» օրենքը խախտելու մեղադրանքով հարուցված գործով դատաքննված Բեքիր Չելիքի դատի վերաբերյալ որոշումը: Իսկ Էրգենեքոնի միավորված երկրորդ դատավարությունը շարունակվելու է հունվարի 17-ին:

 29.11.2010

«Դողան» լրատվական գործակալություն