Վարչապետ Էրդողանի այցելությունն այսպիսի ցույցերի տեղիք տվեց

Լիբանանում ապրող հայերը Թուրքիայի վարչապետ Ռեջեփ Թայիփ Էրդողանի այցելությունը բողոքարկելու համար մայրաքաղաք Բեյրութում ցույց կազմակերպեցին:

Բեյրութի Նահատակների հրապարակում հավաքված ցուցարարները` ձեռքներին Հայաստանի և Լիբանանի դրոշները, վարչապետ Էրդողանի դեմ կարգախոսներ էին վանկարկում:

Երբ վարչապետ Էրդողանը Սայդա քաղաքում մասնակցում էր Թուրքական համագործակցություն և զարգացում գործակալության կողմից կառուցված վնասվածքաբանական և  վերականգնողական հիվանդանոցի բացմանը, այսպես կոչված հայոց ցեղասպանության վերաբերյալ պոստեռներով ցուցարարները պատռեցին Էրդողանի նկարով վահանակի պաստառնեռը:

Ցուցարարների՝ Էրդողանի պաստառը պատռելու և զինվորների վրա քար նետելու համար անվտանգության ուժերը միջամտեցին գործողությանը: « Associated Press»-ը տեղեկացնում է, որ վիրավորներ չկան:

Բեյրութում ցույցերը սկսել են նախքան արաբական երկրներում մեծ հեղինակություն վայելող Էրդողանի Բեյրութ ժամանելը: Լիբանանի փողոցներն ու պողոտաները Էրդողանի պատվին զարդարված էին Թուրքիայի դրոշներով: Պաշտոնական այցով Լիբանան մեկնած Էրդողանին մի խումբը դիմավորել է  «Բարով եկար, սուլթա’ն» կարգախոսով, իսկ մյուս խումբը` ցույցով: Լիբանանահայերը պարզել են «Նոր օսմանները Լիբանանում», «Նոր օսմաններ, մի’ խառնվեք» բովանդակությամբ պաստառներ:

Լիբանանում ապրում է մոտ 150 հազար հայ, որը կազմում է բնակչության 4 տոկոսը: 

«Միլլիյեթ»

 25.11.2010