Ասուլիսների շաբաթ Բերայում

Բերայի 9-րդ փառատոնը մեկը մյուսից հետաքրքրիր թեմաներով կազմակերպված ասուլիսներով շարունակում է զարգացնել Ստամբուլի մշակութային կյանքը:

 Բերայի փառատոնի շրջանակներում կազմակերպված և Ստամբուլի բազմամշակութային կյանքի հանդեպ հարգանք ցուցաբերող միջոցառումների շարքում տեղ գտած «Բազմահնչյուն Ստամբուլ» թեմայով ասուլիսն  ակնառու կերպով ցուցադրում է Ստամբուլի բազմաձայն մշակութային պատմությունը: Քաղաքի պատմության վերաբերյալ կատարած ուսումնասիրություններով և գրքերով հայտնի Նորա Շենի այս ասուլիսը տեղի կունենա հոկտեմբերի 23-ին` երեքշաբթի օրը` ժամը 18.30, Ֆրանսիական պալատում գտնվող Ստամբուլի Ֆրանսիական անատոլիական ուսումնասիրությունների ինստիտուտում, որտեղ կարող են գալ նրանք, ովքեր ցանկանում են իրենց ապրած քաղաքն ավելի մոտիկից ճանաչել:

Բերայի բեմերում առաջին պրեմադոննաները

Ստամբուլի բեմերի կին աստղերը` առաջին պրեմադոննաները` Մարի Նվարդ, Տիկին Փիրուզ, Դենիզ Քըզը Էֆթալիա, Սյուզան Լյութֆուլլահ և այլք, ում անունները խառնվել են պատմության փոշոտ էջերի հետ… Ստամբուլի պետական թատրոնի արվեստագետ և ձայնապնակների կոլեկցիոներ Ջեմալ Ունլուն իր «Բեյօղլուի թանկագին քար` Բերայի առաջին պրեմադոննաներ» խորագրով ասուլիսի ժամանակ ունկնդիրներին տեղափոխելու է հին Բերայի փայլուն օրերը: Ունլուի ասուլիսը, որը լինելու է երաժշտության և սլայդ շոուի ուղեկցությամբ, տեղի է ունենալու նոյեմբերի 24-ին` չորեքշաբթի օրը` ժամը 18.30-ին, Ստամբուլի հետազոտությունների ինստիտուտի Սունան և Ինան Քըրաչ հիմնադրամում:

Ստամբուլի նկարները, որոնք իմ մեջ են

Գրող Մարիո Լևին իր «Ստամբուլի նկարները, որոնք իմ մեջ են» խորագրով ասուլիսի ժամանակ ներկայացնելու է համանուն իր վերջին գրքից սկիզբ առած գույները, լեզուները և մարդկանց առանց տարբերակելու իր մեջ ընդգրկած Ստամբուլի դիմանկարը: «Դողան Քիթափի» և «Բերա փելեսի» համագործակցությամբ կազմակերպված այս ասուլիսը տեղի է ունենալու նոյեմբերի 24-ին` չորեքշաբթի օրը, «Բերա փելես» հյուրանոցում:

Թուրքական երաժշտության փաշաները

Կինոյից գրականություն, թատրոնից երաժշտություն՝ արվեստի յուրաքանչյուր ճյուղում միջոցառում կազմակերպած Բերայի փառատոնի նոյեմբերի 27-ի ասուլիսի թեման է «Թուրքական երաժշտության փաշաները Դոնիզետտիից մինչ Գուատելի»: Երաժշտագետ Ինջիլա Բերթուղը ներկայացնելու է օսմանյան պալատին արևմտյան երաժշտության հետ ծանոթացրած և առաջին թուրքական նվագախմբի` «Արքայական երաժշտության» զարգացումն ապահոված Դոնիզետտի և Գուատելլի փաշաների վաստակը թուրքական երաժշտության մեջ: Սեփեթչիլեր Քասրը-ում ժամը 19.00 կազմակերպված ասուլիսից հետո կարող են ունկնդրել «Մի իտալացի Ստամբուլում» խորագրով համերգը:

Թուրքական երաժշտության եվրոպացի «բեյերը»

Նոյեմբերի 28-ի ասուլիսի թեման լինելու է «Թուրքական երաժշտության եվրոպացի «բեյերը»»` ծագումով լեհ Ալի Ուֆքի բեյ և օսմանյան պետությանը կից Բողդան էալեթի բեյ, ծագումով հոռոմ պատմաբան և գրող Դմիտրի Քենթեմիրօղլու… Երկուսն էլ թուրքական երաժշտության մեջ բազմաթիվ ստեղծագործություններ են թողել: Բազմաժանր երաժիշտ Ֆիքրեթ Քարաքայայի ասուլիսը տեղի է ունենալու Ֆրանսիական մշակույթի պալատում ժամը 19.00-ին կայանալիք «Բեզմարա» համերգից անմիջապես հետո:

 Մշակութային բազմազանության գույները

Բերայի 9-րդ փառատոնի վերջին ասուլիսը կայանալու է «Մշակութային բազմազանության գույները» խորագրով փաստագրական ֆիլմի ցուցադրության հետ մեկտեղ: Ֆիլմը, որը նկարահանել է Աննի Փերթանը, «Ստամբուլը 2010 թ. մշակութային մայրաքաղաք» գործակալության մասնակցությամբ ներկայացնում է դարեր ի վեր իրենց գոյությունը շարունակող, մեկը մյուսից տարբեր մշակույթներ ունեցող հույների, հրեաների, հայերի, ասորիների և հռոմեացիների՝ Ստամբուլին տված արվեստի հարստությունները: Աննի Փերթանի ասուլիսից հետո սկսվող ֆիլմի ցուցադրությունը տեղի է ունենալու նոյեմբերի 29-ին` երկուշաբթի օրը՝ ժամը 19.00-ին, Բերայի թանգարանում:

22.11.2010