Կիպրոսի Խորհրդարանի Նախագահը Կոչ Կ՛ընէ Ճանչնալու Հայոց Ցեղասպանութիւնը

ԿԻՊՐՈՍ, «Նիուզ».- Կիպրոսի մայրաքաղաքի Սուրբ Աստուածածին եկեղեցւոյ մէջ պատարագի մասնակցած Կիպրոսի հանրապետութեան նախագահ Խրիսթոֆիաս, յանցնած է հայերուն ուղղուած գրաւոր հաղորդագրութիւն մը, զոր ընթերցած է նախագահի աշխատակազմի ղեկավար Խրիսթոս Խրիսթոֆիտիս:

Ըստ Յունական «Ֆիլելեֆթերոս» թերթին, Կիպրոսի նախագահը քննադատած է Թուրքիան, եւ իր ուղերձին մէջ նշած, թէ իրենք միշտ հայերու կողքին են. «Մենք 1982ին ճանչցանք Հայոց Ցեղասպանութիւնը եւ դարձանք զայն ճանչցած առաջին եւրոպական պետութիւնը», ըսած է Կիպրոսի նախագահը իր ուղերձին մէջ:

Պատարագէն ետք ելոյթով հանդէս եկած է նաեւ Կիպրոսի խորհրդարանի նախագահ Մարիոս Կարոյեանը՝ կոչ ընելով միջազգային հանրութեան ճանչնալու Հայոց Ցեղասպանութիւնը: Կարոյեան պնդած է, թէ Թուրքիան պէտք է պատժուի իր գործած յանցանքներուն համար, եւ շեշտած, որ վերջին շրջանին Թուրքիոյ ջանքերը՝ Հայաստանի հետ յարաբերութիւնները բարելաւելու ուղղութեամբ, բոլորովին վստահելի չեն, քանի որ անոնք կը հետապնդեն յետին նպատակներ:

http://asbarez.com/arm/86792/