Աղթամարը դառնում է համայնատեսարանով հանգստյան գյուղ

Հանգստյան գյուղը, որը մտածում են կառուցել անմիջապես Վանա լճի Աղթամար կղզու դիմաց, բաղկացած է լինելու շքեղ ամառանոցներից:

Աղթամար կղզում 95 տարի հետո կատարված պատարագից հետո երկու հայ գործարար որոշել են ուղիղ Աղթամարին նայող Գևաշում ներդրում կատարել:

 Երբ Վանա լճի Աղթամար կղզու Սուրբ Խաչ հայկական եկեղեցին բացեցին ծիսական արարողության համար, կարևոր քայլ կատարեցին նաև կարգավորման գործընթացում, թուրք-հայկական հարաբերություններն անդրադարձան նաև տնտեսությանը: Երկու հայ գործարար Վանի Գևաշ գավառում հանգստյան գյուղ հիմնելու համար կապ են հաստատել Վանի Առևտրի և արդյունաբերության պալատի (ՎԱԱՊ) հետ: Հայ գործարարները, շքեղ առանձնատների նման այգի ունեցող «հանգստյան գյուղի» նախագիծը կյանքի կոչելու համար, ՎԱԱՊ-ից աջակցություն են խնդրել: Անցյալ օրը երկու հայ գործարարները այցելել են ՎԱԱՊ-ի նախագահ Զահիր Քանդաշօղլուին: Քանդաշօղլուն հարցի վերաբերյալ ասել է. «Նրանք ուսումնասիրել են Գևաշ գավառը, որը Վանի Աղթամար կղզուն շատ մոտ է: Պատարագի եկածների համար հյուրանոցները բավարար չեն: Այստեղ կառուցվելիք «հանգստյան գյուղում» կարողանալու են և’ լավ հանգստանալ, և’ մասնակցել ծիսական արարողություններին՚:

Քանդաօղլուն հայտնելով, որ ներդրողները կարողանալու են օգտվել հարկային զեղչերից, ասաց, որ նախագծերը կներկայացվեն Եվրոմիությանը, որտեղից ևս կարող են ֆոնդեր գտնել:

Հաղորդում է Թոլգա Աքըները Անկարայից

«Միլլիյեթ»

19.11.2010