Դերսիմի հայերը հիմնեցին իրենց միությունը

Միությունը նպատակ է հետապնդում  իր կազմում  եղող և Թուրքիայում ապրող 600 ընտանիքի անդամներին մկրտել:

Թունջելիում (Դերսիմ) ծնված և մեծացած հայերը ստեղծել են «Դերսիմի հայերի մությունը»: Դերսիմցի հայերը, ովքեր ութ ամիս առաջ նախապատրաստական աշխատանքներ են սկսել և մեկ շաբաթ առաջ հիմնել իրենց միությունը, առաջին անգամ կազմակերպված կառույցով տեր են կանգնելու իրենց ինքնությանը: Միությունը նպատակ է հետապնդում միության կազմում եղող և Թուրքիայում ապրող 600 ընտանիքի անդամներին մկրտել, որպեսզի կարողանան վերակենդանացնել իրենց կրոնը, լեզուն, ծիսական արարողություններն ու մշակույթը: Միության գործունեության  ծրագրում առաջնահերթ խնդիրներից է հայերեն դասավանդել նրանց, ովքեր չնայած հայ են, բայց հայերեն չգիտեն: Միությունը նաև նպատակ ունի, հստակեցնելով հայերին պատկանող գերեզմանները, եկեղեցին, պատմական կառույցները, երկաթի ու ոսկու հանքերը, տարբեր ֆոնդերի միջոցով դրանք վերանորոգել:

Փոխեց անունն ու կրոնը

Միության գափարախոս, ծնունդով դերսիմցի Սելահեդդին Գյուլթեքինը երևան եկավ ութ ամիս առաջ` դատարանի որոշմամբ փոխելով թուրքական անունն ու կրոնը: Գյուլթեքինը, ով իր անձնագրում անվան բաժնում Միրան Փրկիչ, իսկ կրոնի բաժնում՝ քրիստոնյա գրեց, միությունը հիմնեց՝ առանց նշանակություն տալու բարեկամների «մեզ բացահայտում ես» հակազդեցություններին: Գյուլթեքինի` ամիսներ շարունակ տևած աշխատանքները մեկ շաբաթ առաջ տվեցին դրական արդյունքներ: Նա ասում է. «Արդեն չեմ ցանկանում, որ դերսիմցի հայերը կրեն թուրքի և քրդի անուններ: Պետք է ապրենք առանց մեզ թաքցնելու»: Գյուլթեքինը իր պես Դերսիմում ծնված և մեծացած 7 ընկերոջ հետ հիմնել է «Դերսիմի հայերի դավանանքի և փոխօգնության միությունը»:

Մկրտվեց

Իսկ նախկին լրագրող հիսունամյա Գյուլթեքինի երկրորդ անունը` Փրկիչ, իր որդու, մորեղբոր և եղբորորդու հետ միասին կնքվելուց եկավ: Գյուլթեքինը, պատմելով, որ երբ միության հիմնադրման պաշտոնական փաստաթուղթը ձեռքն առավ, շատ ոգևորվեց և մոտ երկու ժամ չէր կարողանում կարդալ որոշումը, ասաց. «50 տարի ուրիշների հավատքով ապրելուց հետո վայելում եմ ինքս ինձ վերագտնելու հանգստությունը: Յուրաքանչյուր գետ պետք է հոսի իր հունով: Դերսիմցի հայերը շրջանի գաղափարական կառուցվածքի պատճառով մտահոգ են»:

Փերվին Մեթին

«Սաբահ», 19.11.2010