Էգեմեն Բաղըշը Եվրոխորհրդարանից դիմել է փոքրամասնություններին. «Դուք էլ երեք երեխա ունեցեք, մաղթում եմ ձեզ մեծ ուժ»:

ԱՄՆ-ում և Եվրոպայում գտնվող Ուղղափառ եկեղեցիների՝ Եվրոխորհրդարանում կազմակերպված «Կրոնական ազատություն, դեպի Եվրոմիություն Թուրքիայի կամուրջը» խորագրով գիտաժողովում ելույթ ունեցած գլխավոր բանագնաց Էգեմեն Բաղըշը տարբեր հավատքների ներկայացուցիչներին խորհուրդ է տվել մասնակցել վարչապետ Ռեջեփ Թայիփ Էրդողանի «երեք երեխա ունեցեք» կոչին:

 Բաղըշը, ի պատասխան այն հիշեցման, թե Եվրոպայում մուսուլմանական բնակչության թիվը 2020 թ. հասնելու է ամբողջ բնակչության 10 տոկոսին, իսկ Թուրքիայի ոչ մուսուլման բնակչության տոկոսը մնալու է շատ ցածր, ասել է, որ դա կապված է բազմացման և գաղթի հետ, այնուհետև ասել  ավելացրել. «Վարչապետն ցանկացավ, որ իր հույն կոլեգան խրախուսի Հունաստան գաղթած հունական ծագում ունեցող Թուրքիայի քաղաքացիների հետ վերադարձը, որովհետև մենք նրանց համարում ենք մեր հարստության մի մասը: Եթե ընդունեն այս պետությունը և վերադառնան Թուրքիա, այս բնակչության տոկոսը զգալիորեն կաճի: Վարչապետը նաև  Թուրքիայում նոր ամուսնացած զույգերին  մի  խորհուրդ է տվել: Նա այն կարծիքին է, որ երիտասարդ բնակչությունը Թուրքիայի զորեղ լինելու հանգամանքներից մեկն է: Հետևաբար երիտասարդ սերնդի առավելությունը պահպանելու համար խորհուրդ է տալիս ամենաքիչը երեք երեխա ունենալ: Եթե տարբեր հավատքների պատկանող քաղաքացիները ցանկանում են հետևել այս խորհրդին, սա էլ է տարբերակ: Նման իրավիճակում նրանց մեծ ուժ եմ մաղթում»: 

Նյութը ներկայացնում ենք կրճատումներով:

euractiv.com.tr
17.11.2010