Կարսի Տեկոր գավառում առողջ արար քայլարշավ կատարվեց

 Կարսի Տեկոր գավառում կատարվեց առողջարար քայլարշավ: Տեկորի կայմակամ Ֆաթիհ Օզդեմիրը հիմնարկի պետերի հետ, գավառի կենտրոնում նախաճաշելուց հետո, առողջարար քայլարշավ են կատարել մինչև Բեշքիլիսելեր (Հինգ եկեղեցի) կոչված վայր, որը գավառից երեք կմ հեռավորության վրա է գտնվում և  հանդիսանում է կարևոր զբոսավայր:

 Մոտ երկու ժամ քայլելուց հետո Բեշքիլիսելեր ժամանած կայմակամ Ֆաթիհ Օզդեմիրը և նրա հետ եկածները շրջեցին պատմական Բեշքիլիսելերը:

 Տեկորի կայմակամ Ֆաթիհ Օզդեմիրն ասաց. «Անհրաժեշտ է, որ տեր կանգնենք մեր պատմական արժեքներին: Սրանք պաշտպանելու և խնամելու համար մեզ վրա մեծ պարտականություն է ընկնում: Այս կոթողներն իրենց կառույցներում պատսպարում են պատմությունը»:

 Կայմակամ Օզդեմիրը Բեշքիլիսելերի մասին տեղեկացավ կողքիններից: Շեշտելով, որ անհրաժեշտ է Բեշքիլիսելերը զբոսաշրջության համար բացել, ասաց.  ՙՏեկորը զբոսաշրջության տեսանկյունից շատ կարևոր վայրեր ունի, որոնք անհրաժեշտ է գովազդել՚:

 Կայմակամ ֆաթիհ Օզդեմիրն ու նրա հետ եկածներն այնուհետև մեկնեցին գավառի կենտրոն:

Տեկորի Բեշքիլիսելերի պատմությունը

Բեշիլիսելերը գտնվում է Կարսից 47 կմ հեռավորության վրա: Կենտրոնից 3 կմ հեռավորության վրա` խոր կիրճի մեջ տեղակայված եկեղեցիներից այժմ կանգուն է միայն Սուրբ Սարգիս եկեղեցին, որը քառակուսի նախագիծ ունի: Գմբեթակիր եկեղեցին այնպիսի վիճակում է, որ չի կարող դիմակայել բնության պայմաններին: Եկեղեցիների և վանքի հիմնադրման վերաբերյալ արձանագրություն չկա: Վանքը լքվել է 13-րդ դարի մոնղոլական արշավանքներից հետո: Հայտնի է, որ երբ 1878 թ. Կարսի շրջանն անցել է ռուսական ղեկավարությանը, Բեշքիլիսելերն անցել է հայերին: Այդ ժամանակ շինությունները վերանորոգվել են, և վանքը կրկին բացվել է ծիսական արարողությունների համար:  Բեշքիլիսելեր կոչված  վանքի մեջ մտնում են Սուրբ Կարապետ, Մարյամ Աստվածածին, Սուրբ Ստեփանոս, Սուրբ Գրիգոր և Սուրբ Սարգիս եկեղեցիները: Բացի Սուրբ Սարգիս եկեղեցուց՝ մյուսներն  ավերվել է:

Սուրբ Սարգիսն ամենամեծ եկեղեցին է, որի վրայի ամենահին արձանագրությունը թվագրված է 1033 թ.: Եկեղեցին իր ճարտարապետական կառուցվածքի և քանդակների շնորհիվ կարևոր տեղ է զբաղեցնում Անիի կոթողներրի շարքում: Որոշ աղբյուրներ նշում են, որ դրսից նայելիս եկեղեցին նման է նարնջագույն քարե զանգվածից քանդակված մեծ արձանի. դա բացատրվում է նրանով, օգտագործվել են և գունավոր քարեր և քարե շինանյութ:

 http://www.dikkathaber.com/haber/20101113/digor-da-saglikli-yasam-yuruyusu-235181-0.html