Թող վերանորոգվեն հայերի տներն ու եկեղեցիները

Բաթըյազցիները, որոնք պահանջում են վերանորոգել Անթակիայի կենտրոնում գտնվող Բաթըյազ գյուղի Մարիամ Աստվածածին և Քայափընար եկեղեցիները, հայտնում են, որ իրենց գյուղում հայերից մնացած բազմաթիվ տներ կան:

Գյուղի բնակիչները հայտնում են, որ ժամանկ առ ժամանակ որպես փարախ օգտագործված եկեղեցիներն ու տները վերանորոգվելով կբացեն զբոսաշրջության համար, ինչն էլ կարևոր կլինի շրջանի զբոսաշրջության, ինչպես նաև` անցյալը հետ բերելու տեսանկյունից:

1939 թ. երբ Հաթայը միացավ Թուրքիային, Մուսա լեռան շրջակայքում գտնվող 22 գյուղերից միայն յոթում էին հայեր ապրում: Երբ Հաթայը մտավ Թուրքիայի կազմի մեջ, հայերի մեծ մասը նախընտրեց դառնալ Սիրիայի քաղաքացի և անցավ Սիրիա: Իսկ մնացյալը շարունակեց ապրել Վաքըֆլը գյուղում: Վաքըֆլըն հայտնի է որպես շրջանի միակ հայկական գյուղ: Իսկ գյուղացիների կողմից լքված պատմական տներն ու եկեղեցիները այնտեղ բնակեցվածների կողմից կամ որպես ախոռ օգտագործվեցին, կամ էլ ավերվեցին:

Բաթըյազ գյուղում ապրողները ցանկանում են, որ վերանորոգվի ու ծիսական արարողությունների համար բացվի Քարափընար և եռահարկ Սուրբ Մայրիամ Աստվածածին եկեղեցին, որը սկսել է կառուցվել 1936 թ., սակայն կիսատ է մնացել, քանի որ 1939 թ. հայերը գնացել են:

 Եկեղեցիները որոշ շրջան օգտագործվել են որպես ախոռ

Բաթըյազի գյուղացիները հայտնում են, որ գյուղում հայերից մնացած բազմաթիվ պատմական տներ ու եկեղեցիներ կան: Գյուղի բնակիչները կարծում են, որ  ժամանկ առ ժամանակ որպես փարախ օգտագործված եկեղեցիներն ու տները վերանորոգվելով կբացեն զբոսաշրջության համար, ինչն էլ դրական քայլ կլինի շրջանի զբոսաշրջության,  ինչպես նաև` անցյալը հետ բերելու տեսանկյունից:

Գյուղի 45-ամյա բնակիչ Ահմեդ Էքինջին ասում է. «Մեր գյուղում երկու եկեղեցի կա, որոնք հայերից են մնացել: Երբ հայերը այստեղից գնացին, մենք այս եկեղեցիները ազատ թողեցինք: Որոշ շրջան օգտագործվել է որպես ախոռ: Մենք, որպես գյուղի բնակիչներ, պահանջում ենք, որ պետությունը քայլեր ձեռնարկի, վերանորոգի տներն ու եկեղեցիները և բացի զբոսաշրջության համար: Պահանջում ենք, որ այստեղն էլ Վաքըֆլը գյուղի նման լինի»:

 Թող եկեղեցիները կրկին բացվեն ծիսական արարողությունների համար

Բաթըյազ գյուղի հարևանությամբ գտնվող և Թուրքիայի միակ հայկական գյուղ հանդիսանող Վաքըֆլըի բնակիչ Ավետիս Դեմիրջին հայտնելով, որ եկեղեցիները կարող են բացվել ծիսական արարողությունների համար, նշում է, որ այդ քայլը կարող է կարևոր նշանակություն ունենալ և’ շրջանի զբոսաշրջության, և առաջիկա տարիներին հայերի հետ վերադառնալու տեսանկյունից:  Դեմիրջին ասում է. «Ես հիշում եմ Բաթըյազի եկեղեցիները: Տարիքս մոտեցել է 98-ին: Այն տարիներին Բաթըյազը աշխույժ էր: Եկեղեցու շրջակայքում հայ երեխաները խաղում էին: Դեռևս այն երեխաների ձայներն ականջներումս են: Արդեն շատ բան է փոխվել: Հին տները կարող են վերանորոգել, իսկ եկեղեցիները` բացել ծիսական արարողությունների համար: Եթե նման բան լինի, հավատում եմ, որ շատ հայեր այստեղ կգան` անցյալում իրենց ապրած հողերը տեսնելու և նույնիսկ ապրելու»:

 «Տիգրիս լրատվական գործակալություն»

13.11.2010

http://www.midyathabur.com/ermenilerin-kiliseleri-ve-evleri-restore-edilsin-1607h.htm