Թուրքիայի վարչապետ Ռեջեփ Թայիփ Էրդողանը «Թուրքիայի ամենահին տպագիր օրգան» տիտղոսը կրող Թուրքիայի հայերի օրաթերթ «Ժամանակի» միջոցով հանդես է եկել Հայաստանին ուղղված կոչով. «Այն բանից հետո, երբ ազատագրական պատերազմում մենք հաղթանակ տարանք, բոլոր այդ պետությունների հետ մի նոր ժամանակաշրջան սկսեցինք և բավականին բարեկամական հարաբերություններ հաստատեցինք: Սա կարող ենք անել նաև Հայաստանի հետ»:
Վարչապետ Էրդողանը 1908 թ. մինչ օրս առանց ընդհատումների լույս տեսնող «Ժամանակ» օրաթերթի գլխավոր խմբագիր Արա Գոչունյանին տված հատուկ հարցազրույցի ժամանակ ասել է. «Թուրքիայի հայ համայնքին նայում եմ որպես Թուրքիայի արժեքավոր հարստություն: Գնահատում եմ Թուրքիայի հայերի ներքին խաղաղության և հանգստության պահպանման ջանքերը, Թուրքիայի զարգացման համար մղած պայքարը»:
Էրդողանը հղեց հետւյալ ուղերձը. «Սփյուռքը խոչընդոտ է»:
Այնուհետև Էրդողանը շարունակել է. «Թուրքիան ոչ մի պետության հետ թշնամական հարաբերությունների մեջ չէ: Մինչ օրս պատմության ընթացքում տեղի ունեցած ցավալի դեպքերը մեր ապագա մտադրությունների ձևավորման մեջ երբեք որպես գործոն չտեսանք: Այն բանից հետո, երբ ազատագրական պատերազմում մենք հաղթանակ տարանք, բոլոր այդ պետությունների հետ մի նոր ժամանակաշրջան սկսեցինք և բավականին բարեկամական հարաբերություններ հաստատեցինք: Սա կարող ենք անել նաև Հայաստանի հետ: Պատմությունը թողնելով պատմաբաններին և գիտնականներին` մենք կարող ենք միասին քայլել դեպի ապագա: Հավատում եմ, որ դա դեռևս հնարավոր է: Չնայած որ հայկակն սփյուռքի մի հատվածը հարցին նման մոտեցում չի ցուցաբերում, և սա էլ գործընթացի համար խոչընդոտ է հանդիսանում»:
Օքան Քոնուրալփ
12.11.2010
«Հյուրիյեթ»
Leave a Reply