«Հայուհին» խնդրում է Էրդողանին որդեգրել իրեն

Քնարիկ Ոսկանյանը, ով 9 տարի առաջ ամուսնացել է թուրքի հետ և բնակություն հաստատել Թուրքիայի Մալաթիա քաղաքում, չնայած 7 լեզու գիտի, այնուամենայնիվ գործազուրկ է: Այս մասին Քնարիկ Ոսկանյանը, ով վերջերս ընդունել է իսլամ և վերցրել Փընար Սարջան անունը, ասել է Anadolu գործակալությանը տված հարցազրույցում:

«Քանի որ ամուսինս տարեց է և սրտի հետ կապված խնդիրներ ունի, չի կարողանում աշխատել: Յոթ լեզու գիտեմ, սակայն չեմ կարողանում այստեղ աշխատանք գտնել: Օրինակ` կարող եմ թարգմանիչ աշխատել: Երբեմն օգնում է նաև քաղաքապետարանը, սակայն դա չի բավականացնում»,- ասել է երկու երեխաների մայր Քնարիկը` ընդգծելով, որ չնայած իր այդ ծանր վիճակին, չի ցանկանում վերադառնալ Հայաստան:

«Թուրքիան շատ եմ սիրում: Իսլամ եմ ընդունել և գլխաշոր եմ կրում, ինչի համար շատ երջանիկ եմ: Նամազ եմ անում և փորձում եմ իմ երեխաներին դաստիարակել իսլամի ոգով: Բացի այդ՝ շատ եմ սիրում վարչապետ Ռեջեփ Թայիփ Էրդողանին, նրա կողմնակիցն եմ: Մեր վարչապետը շատ լավ մարդ է: Միշտ դիտում եմ նրա ելույթները հեռուստացույցով»,- ասել է Քնարիկը` նշելով, որ ցանակնում է տեսակցել Էրդողանի հետ և նրան խնդրել հայրություն անել իրեն:

Tert.am

12.11.10