«Հայերը…
Դերձակ էին, հյուսն, ոսկերիչ, ատաղձագործ… Մեր քաղաքների, ավանների գույնը, հարստությունը, վաերպետներն էին բոլորն էլ: Չունևոր ագարակատերեր, հրաշալի երգիչներ, սրտառուչ երաժիշտներ, թատերական գործիչներ էին նրանք…
Հայերը մեր դրկից հարևաններն էին: Շատ ունեինք իրար նման կողմեր, համատեղ էին մեր հացը և ուտելիքը… Սիրում էինք միմյանց, եղբայր էին իրար…
Եղբայր էինք, բայց երբ կոտորում էին նրանց, աքսորում ու դուրս շպրտում իրենց հողերից, շատերս ձայն չհանեցինք, նրանք հարձակման ենթարկվեցին, իսկ մենք չտեսնելու տվեցինք…
Եղբայր էինք, բայց երբ մեր ուղեղը փչացած էր լինում, «հայի ծնունդ էին» դառնում…
Միշտ եղբայր էինք իբրև թե, սակայն դրա մասին դարձյալ հիշեցինք միայն այն ժամանակ, երբ ստորաբար սպանվեց Հրանտ Դինքը… Կարողացանք ասել, թե «Բոլորս հայ ենք»` հանուն նրա, որ ջնջենք նախկին խայտառակությունները…
Այսօր զգում ենք, որ նրանց նկատմամբ արվածը կարծես թե մեր հանդեպ կատարված լինի…
Մեր հարևանի նկատմամբ սուր գործածածը մեզ էլ կոտորեց` ամենախորը կերպով… Իսկ հիմա արյան քնից արթնանալով` հարց ենք տալիս. «Եղբա’յրս, որտե՞ղ ես»:
Ձեր բացակայությունը զգում ենք մեր ուսի վրա` կտրված թևի պես: Ձեր անգոյությունը ցավ է պատճառում մեզ` չփակված վերքի, կտրված երակի նման…
Մենք` այս երկրի չարքաշ աշխատավորներս, բանվորներս, ազնիվ քրդերս, թուրքերս, լազերս, չերքեզներս, արաբներս, այսինքն` նրանք, ովքեր ձեռք չեն տվել ձեր ապրանքներին, նրանք, ովքեր չեն հեղել ձեր արյունը, մենք ևս վախեցանք, լռեցինք, չկարողացանք օգնության ձեռք մեկնել…
Ներողություն ենք խնդրում, եղբա’յրս, ներողություն ենք խնդրում…»:
«Օրորոցայինների գաղթը» հյուրընկալում է հայերին: Հայերին նվիրված և երեք մասից բաղկացած վավերագրական ֆիլմը, որը կհեռարձակվի Hayat TV հեռուստաալիքով, կցուցադրվի հետևյալ ժամերին.
Առաջին մասը` նոյեմբերի 10-ին՝ չորեքշաբթի՝ ժամը 20:00-ին, կկրկնվի հինգշաբթի գիշերը՝ ժամը 01.00-ին:
Երկրորդ մասը` նոյեմբերի 17-ին՝ շորեքշաբթի՝ ժամը 20.00-ին, կկրկնվի հինգշաբթի գիշերը՝ ժամը 01.00-ին:
Երրորդ մասը` նոյեմբերի 24-ին՝ չորեքշաբթի՝ ժամը 20:00-ին, կկրկնվի հինգշաբթի գիշերը՝ ժամը 01.00-ին:
Leave a Reply