Հայ ճարտարապետներն այս ցուցահանդեսում

19-րդ և 20-րդ դարերում Պոլսի ձևավորման մեջ մեծ վաստակ ունեցած հայ ճարտարապետներ դարձան «Ստամբուլը՝ Եվրոպայի մշակութային մայրաքաղաք-2010» ծրագրի շրջանակներում կազմակերպված «Արևմտականացող Պոլսի հայ ճարտարապետները» խորագրով ցուցահանդեսի թեմա:

 Դեկտեմբերի 1-26-ը Ստամբուլի ժամանակակից արվեստի թանգարանում բացված ցուցահանդեսի ժամանակ էքսկուրսավար է լինելու ճարտարապետ Հասան Քուրույազըջըն: Ցուցահանդեսի ժամանկ շեշտելու են 19-րդ և 20-րդ դարի սկզբում Ստամբուլի ճարտարապետական տեսքն արևտականացնելու մեջ մեծ դերակատարում ունեցած հայ ճարտարապետների ավանդը, ինչպես նաև ներկայացնելու են 40 հայ ճարտարապետների և մոտ 100 շենքեր, որոնց մեծ մասը մեր օրերում մոռացության է մատնվել:

 Ցուցահանդեսից հետո՝ գիրք

 Այցելուները ցուցահանդեսին, որի ընթացքում ցուցադրվելու է երկու կարճամետրաժ ֆիլմ, ձայնային համակարգի շնորհիվ հնարավորություն կունենան շենքերի և դրանց տեղադրության վերաբերյալ տեղեկություն ստանալ: Ցուցահանդեսի հետ միաժամանակ ժամանակի ճարտարապետության վերաբերյալ հոդվածներն ու ցուցահանդեսի ընթացքում տեղ գտած նկարները վերածվելու են գրքի: Հասան Քուրույազըջըն իր ուսումնասիրության վերնագիրը (ուսումնասիրությունը կատարել է  փողոց առ փողոց շրջելով Քուրթուլուշում, Փանգալթըում, Թաքսիմում, Ջիհանգիրում, Թարլաբաշըում, Թյունելում, Էմինյոնուում) այսպես է մեկնաբանում. «Ստամբուլում 19-րդ դարից մնացած մեծ շենքերի ռեսուրսներ կան: Չնայած մեծ մասը ավերել ենք, սրանք շենքեր են, որոնք կարող են կանգուն մնալ: Որոշեցի նման ուսումնասիրություն կատարել, երբ ինքս ինձ հարց տվեցի, թե այսքան շատ շենքերն ովքե՞ր են կառուցել»: 

Ուղեկցորդական տուրեր

Ծրագիրը, Էրքալ Յավիի կազմակերպած ցուցահանդեսն ու գիրքը Ստամբուլի բնակիչներին իրենց քաղաքի պատմության վերաբերյալ տեղեկություն են մատուցելու, իսկ ճարտարապետների, արվեստաբանների, ճարտարագիտականի ուսանողների, հնագետների և հասարակական գիտությունների ոլորտում աշխատողների համար նոր աղբյուր է հանդիսանալու: Ցուցահանդեսի շրջանակում «Ստամբուլի հայ ճարտարապետները» թեմայով պանելի հետ մեկտեղ կազմակերպվելու են տուրեր, որի ընթացքում այցելուներին առաջնորդելու են այս ճարտարապետների կառուցած կառույցներ:

 Արվեստի և մշակույթի ծառայություն

Միլլիյեթ, 11.11.2010

http://cadde.milliyet.com.tr/2010/11/11/HaberDetay/1312793/ermeni-mimarlar-bu-sergide