Թուրքական մամուլում լուրեր են տարածվել այն մասին, որ Թուրքիայի դպրոցներում ազգային անվտանգության տեսություն առարկան դասավանդող ուսուցիչները լրտեսներ են, որոնք ամեն ամիս զեկույցներ են պատրաստել դպրոցների ներքին անցուդարձի մասին: Զինված ուժերի Գլխավոր շտաբին զեկուցվել է ամեն ինչ` սկսած ուսուցիչների քաղաքական հայացքներից մինչև աշակերտների հագուկապը:
Ինչպես տեղեկացնում է «Էրմենիհաբեր» (Ermenihaber.am) լրատվական կայքը, ազգային անվտանգության տեսություն դասավանդող սպա ուսուցիչներն ամեն ամիս լրացրել են «ազգային անվտանգության տեսության ուսուցիչների հսկողության ձև» կոչվող մի փաստաթուղթ ու ներկայացրել իրենց վերադասին:
Հիշյալ փաստաթղթերում անդրադարձ է եղել դպրոցի ներքին կյանքին վերաբերող տարբեր հարցերի, ինչպես, օրինակ, արդյոք տվյալ դպրոցի ուսուցչուհիները գլխաշոր կապու՞մ են , աղջիկները և տղաները արդյոք միևնու՞յն դասասենյակում են սովորում, թե՞ առանձին-առանձին, դպրոցի գրադարանում կա՞ն արդյոք «քայքայիչ, պառակտիչ» ներգործություն ունեցողգրավոր նյութեր, գրքեր: Անգամ տեղեկություն է հաղորդվել այն մասին, թե աշակերտներն ու ուսուցիրները ինչ թերթեր են կարդում և ինչ հաղորդումներ են դիտում:
Աղբյուր` Panorama.am
Leave a Reply