Հայ բանաստեղծ Եղիշե Չարենցի` Կարսի Սուքափը թաղամասի Միլլեթ Բահչե փողոցում գտնվող տունը, որտեղ նա ծնվել է 1897 թ., վերածվել է թմրանյութերից կախվածություն ունեցողների հավաքատեղիի:
Մի պոլսահայ ցանկություն է հայտնել գնել հայ գրականության մեջ մեծանուն բանաստեղծների շարքին դասված բանաստեղծ Եղիշե Չարենցի` Կարսում գտնվող հայրական տունը` այն թանգարանի վերածելու նպատակով: Թեև դատարկ տան վրա կա «Վաճառվում է» գրությամբ ցուցատախտակ, բայց և այնպես Ստամբուլում բնակվող տանտերը Չարենցի տան համար պահանջել է 250 հազար լիրա: Քանի որ Կարսի ամրոցի տակ` Դեմիր (Կարսի) կամուրջի դիմաց գտնվող ու մոտ 100 մետրանոց երեք սենյակ և մի փոքրիկ պարտեզ ունեցող այդ տունը գտնվում է բնակվելու համար ոչ պիտանի վիճակում, այն գրեթե զավթվել է անտուն թափառաշրջիկների և թմրամոլների կողմից: Հաղորդում են, թե քարե պատեր ունեցող, դռներն ու պատուհանները քանդված, վրան հողածածկ այդ տունը սկսել է վտանգավոր դառնալ թաղամասի համար: Թաղամասի բնակիչները հայտնելով, թե իրենց անհանգստացնում են այդ թմրամոլները, խնդրել են, որ տունը կա’մ քանդվի, կա’մ էլ վերանորոգվի:
«Դողան» գործակալություն
05.11.2010
Leave a Reply