Թուրքիայի Մալաթիայի քաղաքային խորհրդում իշխող «Արդարություն եւ զարգացում» կուսակցության անդամները մերժել են ընդդիմադիր «Ժողովրդահանրապետական» կուսակցության անդամների առաջարկը՝ պահպանության տակ վերցնել Մալաթիայում գտնվող այն տունը, որտեղ ծնվել է Հրանտ Դինքը։
Թուրքական Hurriyet-ի փոխանցմամբ Մալաթիայի քաղաքապետ Ահմեդ Չաքըրը հայտնել է, թե իրենք Դինքի ընտանիքի անդամներին տեղեկացրել են, որ քաղաքապետարանը տեխնիկապես կաջակցի տան վերանորոգմանը, եթե ընտանիքի անդամներից մեկն ստանձնի վերանորոգման ծախսերը։
Մալաթիայի քաղաքային խորհրդի անդամ, ընդդիմադիր «Ժողովրդահանրապետական» կուսակցության անդամ Ալի Դաղդելենը ծրագիր է ներկայացրել, որով առաջարկել է Հրանտ Դինքի տունը վերցնել հսկողության տակ եւ պահպանել, ինչը Էրդողանի կուսակիցների կողմից մերժվել է։
Նոյեմբեր 04, 2010
Leave a Reply