Արաբկիրի տներ» նախագծի ցուցահանդեսը Ստամբուլի տեխնիկական համալսարանում՚

Ստամբուլի տեխնիկական համալսարանի (ՍՏՀ) ճարտարապետության բաժնի, Ստամբուլի Արաբկիրի մշակութային միության և Արաբկիրի քաղաքապետարանի համատեղ իրականացրած 2009-2010 թթ. ամառային շրջանի Չափագրման և վերականգնման ստուդիայի «Արաբկիրի տների» նախագծի ցուցադրությունը տեղի է ունենալու ՍՏՀ-ի ճարտարապետության ֆակուլտետի Թաշքշլա շենքում` թիվ 127 սրահում, 06.11.2010 թ., շաբաթ օրը` ժամը 14.00-ին:

Ցուցահանդեսի ընթացքի վերաբերյալ տեղեկություններ հաղորդող Արաբկիրի մշակույթի միության նախագահ Թուրգայ Աքշահինն ասաց. «Արաբկիրի քաղաքապետարանը, որպես Արաբկիրի մշակութային կազմակերպություն, մոտ մեկ ու կես տարի առաջ անդամակցելով Արաբկիրի պատմական քաղաքների միությանը և սերտ հարաբերություններ հաստատելով ՍՏՀ-ի և Չեքյուլ վաքըֆի հետ, մեր գավառի պատմամշակութային արժեքների վերաբերյալ շտապ աշխատանքներ է սկսել: Նախ և առաջ այս տարվա ընթացքում Արաբկիրի համար ՍՏՀ-ի ճարտարապետության ֆակուլտետը մեր հարգարժան դասախոսների և տեխնիկական խմբի ուղեկցությամբ աշխատանքներ է կատարել, նախագծերը մեր համաքաղաքացիների դատին հանձնելու համար «Արաբկիրի տները» խորագրով ցուցահանդես կազմակերպելով` նպատակ ունի ուշադրություն հրավիրել Արաբկիրի պատմամշակութային արժեքներին տեր կանգնելուն: Արաբկիրը առաջիկա ժամանակաշրջանում զբոսաշրջության կենտրոն դարձնելու համար նպատակ ունենք մեր բոլոր պատմական արժեքները լուսաբանել»:

Ինչպես գիտեք, անցյալ մայիս ամսվա ընթացքում ճարտարապետ Թուղբա Բարլըքի և ճարտարապետ Սերդա Թորուսի ղեկավարությամբ հինգ հոգուց բաղկացած տեխնիկական անձնակազմը Արաբկիրի պատմական արժեքները հաստատելով` հստակեցրեցին ներկայիս կարգավիճակը: Բացի այդ՝ հունիսին ՍՏՀ-ի ճարտարապետության ֆակուլտետի դոկտոր, պրոֆեսոր Գյուլեն Չաղդաշի և Քուրթգյուն Էյուփգիլլերի ղեկավարության տակ գտնվող 25 հոգուց բաղկացած տեխնիկական անձնակազմը հստակեցված պատմական արժեքների նախագիծ է պատրաստել:

Պատրաստված նախագծերը` Արաբկիրի Ուլու մզկիթի, Մոլլա Էյուփ գրադարանի, Արաբկիրի հասարակական բաղնիքի, Քաշքալօղլու իջևանատան, Սդերքիս Միրաշօղլու իջևանատան, Քուլուբեյօղլու իջևանատան, Քեշիշի իջևանատան նախագծերը, նպատակ են հետապնում առաջիկա ամիսների ընթացքում սկսել վերանորոգման աշխատանքները:

«Արաբկիրի տներ» նախագծի ցուցահանդեսին, որը տեղի է ունենալու Ստամբուլի տեխնիկական համալսարանի ճարտարապետության ֆակուլտետի Թաշքըշլա շենքում, սպասում ենք մեր բոլոր համաքաղաքցիներին: 

 arapgir.org
1.11.2010