Վանի Աղթամար եկեղեցում կատարված պատարագից հետո Թուրքիայի մշակութային ունեցվածք հանդիսացող եկեղեցիները մեծացրեցին կրոնական արարողություն կատարել ցանկացող քրիստոնյա համայնքի հետաքրքրությունը: Իսկ Մշակույթի և զբոսաշրջության նախարարությունը Թուրքիայում պատարագ կատարել ցանկացողներին ներակայացրել է 16 եկեղեցիների ցանկ, որտեղ պատարագ կատարելու համար նախարարության «թույլատվության» կարիք չկա:
Ինչպես տեղեկացնում է Մշակույթի և զբոսաշրջության նախարարությունը, Թուրքիայում որպես Թուրքիայի մշակութային ունեցվածք գրանցված 1173 եկեղեցի կա: Տրապիզոնի Սյումելա վանքում և Վանի Աղթամար եկեղեցում կատարված պատարագից հետո Թուրքիայում գտնվող այս եկեղեցիները հայտնվեցին քրիստոնյա աշխարհի ուշադրության կենտրոնում:
Իսկ Մշակույթի և զբոսաշրջության նախարարությունը պատարագ կատարել ցանկացող համայնքի ուշադրությանն է ներկայացնում Արտաքին գործերի, Ներքին գործերի և Մշակույթի ու զբոսաշրջության նախարարությունների համատեղ կայացրած հեղինակային որոշմամբ պատարագի համար բացված 16 եկեղեցիների ցանկը: Այս եկեղեցիներում պատարագ կատարելու համար կարիք չկա դիմել նախարարություն: Քրիստոնյաները, որոնք ցանկանում են կատարել իրենց կրոնական արարողությունը, կարող են դիմել նահանգապետարան և թույլատվություն ստանալ:
Մշակույթի և զբոսաշրջության նախարարության վերահսկողության տակ գտնվող թանգարանի կամ ավերակի բնույթ կրող եկեղեցիները, որտեղ թույլատրվել է պատարագ կատարել, ներկայացնում ենք ստորև.
«Իզմիրի Մարյամ Աստվածածին եկեղեցի, Իզմիրի Սուրբ Ջեյն Բազիլիկա, Կապադովկիայի Դերինքույու ուղղափառ եկեղեցի, Քայմաքլը եկեղեցի, Գյորեմեի Քըլըչլար եկեղեցի, Էլ Նազար եկեղեցի, Ուրգյուփ Մուստաֆա փաշա Կոստանդին էլենի եկեղեցի, Ավանոս Դերեյամանլը եկեղեցի, Անթաքիայի Սուրբ Պետրոս եկեղեցի, Անթալիայի Սուրբ Նիկողայոս եկեղեցի (Ձմեռ պապիկի թանգարան), Մերսինի Տարսուս քաղաքի Սուրբ Պողոս եկեղեցի, Սպարտայի Յալվաչ քաղաքի Սուրբ Պողոս եկեղեցի, Մանիսայի Սարդես ավերակներ, Բուրսայի Իզնիկ քաղաքի (Նիկեա) Այասոֆիա եկեղեցի և Քոնսյուլ պալատ, Դենիզլի Laodicea-ում գտնվող եկեղեցիներ, Տրապիզոնի Սյումելա եկեղեցի (տարեկան մեկ անգամ), Վանի Աղթամար եկեղեցի (տարեկան մեկ անգամ)»:
Սա վերջ չի ունենա
Նախարարությունը պատարագ կատարել ցանկացողներին մատնանշում է վերոհիշյալ եկեղեցիների ցանկը: Այս պահին վերը նշված եկեղեցիներից որևէ եկեղեցի պատարագի համար բացելու աշխատանքներն օրակարգում չկան: Նախարարության իրավասուները շեշտելով, որ Աղթամարի և Սյումելայի պատարագները բացառություն են, նշեցին հետևյալը. «Հակառակ դեպքում սա վերջ չի ունենա: Երբեմն նաև պահանջներ են գալիս աննախադեպ տեղերից»: Իրավասուները հայտնելով, որ պատարագ անցկացնելու պահանջները ավելի շատ էլեկտրոնային փոստի միջոցով են ուղարկում, ասացին, որ այս պահին իրենց օրակարգում ներառված չէ նախկինում կրոնական արարողությունների համար փակ որևէ եկեղեցում պատարագ կատարելու թեման:
aksam.com.tr
29.9.2010
Leave a Reply