Թուրքիայի տուրիզմի եւ մշակույթի նախարար Էրթուղրուլ Գյունայը զգուշացրել է Անիի մայր տաճարում նամազ անել ցանկացող Թուրքիայի «Ազգայնական շարժում» կուսակցության ղեկավարին, թե իրենց արարքը հակասելու է Թուրքիայի Սահմանադրությանը։
Թուրքական Star-ի փոխանցմամբ՝ Էրթուղրուլ Գյունայը հիշեցրել է, թե Թուրքիայի Սահմանադրությունն արգելում է քաղաքական կուսակցությանը կրոնական ցուցադրական միջոցառում իրականացնել։ «Ցանկացած ոք կարող է ցանկացած մաքուր հաստատության մեջ անհատապես նամազ անել։ Սակայն, եթե այդ միջոցառումը կրի զանգվածային բնույթ, այն կբախվի Թուրքիայի Սահմանադրությանը եւ քաղաքական կուսակցությունների մասին օրենքին»-նշել է Թուրքիայի տուրիզմի եւ մշակույթի նախարարը։
Նշենք, որ Թուրքիայի «Ազգայնական շարժում» կուսակցության ղեկավար Դեւլեթ Բահչելին որոշել է իր կուսակցության 40 նահանգային ղեկավարների հետ հոկտեմբերի 1-ից սկսվող խորհրդարանական աշխատանքներն սկսել Անիի մայր տաճարում նամազ անելով։
Սեպտեմբեր 28, 2010
Leave a Reply