Թուրքիայի «Ազգայնական շարժում» ընդդիմադիր կուսակցության նախագահ Դևլեթ Բահչելին պատրաստվում է նամազ անել Անիի ավերակներում: Այս մասին, թուրքական Sabah օրաթերթի փոխանցմամբ, կուսակցության նիստի ժամանակ հայտարարել է անձամբ Բահչելին:
Բահչելին, ով միանշանակ դեմ էր հանդես գալիս Աղթամարի Սուրբ Խաչ եկեղեցում պատարագի մատուցմանը, հայտարարել է, որ հոկտեմբերի 1-ին ինքը կլինի ոչ թե Թուրքիայի Ազգային մեծ ժողովում (հոկտեմբերի 1-ին թուրքական խորհրդարանն սկսում է իր աշխատանքները), այլ՝ Անիի ավերակներում և նամազ կանի Ալփասլանի կողմից 1064թ. մզկիթի վերածված Անիի մայր տաճարում:
Նշենք, որ Հայոց թագավոր Սմբատ Բ Տիեզերակալը 989թ. հիմնել է հայկական ճարտարապետության գոհարների շարքին դասվող Անիի Մայր տաճարը` Անիի Սբ. Աստվածածին Կաթողիկե եկեղեցին: Վանքի շինարարական աշխատանքերը 1001թ. ավարտին է հասցրել Գագիկ Ա Բագրատունու կինը` Կատրիդե թագուհին, իսկ ճարտարապետը եղել է Տրդատը:
Թուրքական աղբյուրներում Անիի մայր տաճարը հիշատակվում է որպես Ֆեթհիյե մզկիթ:
Tert.am
27.09.10
Leave a Reply