Գերմանիայի Ներքին գործերի նախարար Թոմաս դը Մեզիերը Թուրքիա կատարած երկօրյա այցի շրջանակներում հանդիպել է Թուրքիայի քրիստոնյա փոքրամասնությունների ներկայացուցիչների հետ: Տեղի ունեցած հանդիպումները նպատակ էին հետապնդում ամրապնդել փոքրամասնություն կազմող համայնքների իրավունքները:
Թոմաս դը Մեզիերը Թուրքիա կատարած այցի ընթացքում հանդիպել է քրիստոնյա փոքրամասնության տարբեր համայքների առաջնորդների հետ:
Ստամբուլում հույն ուղղափառ, ասորի ուղղափառ և բողոքական եկեղեցիների ներկայացուցիչների հետ հանդիպումների օրակարգում տեղ է գտել փոքրամասնություններին ավելի լայն իրավունքեր տալու հարցը:
Վերջին տարիներին Թուրքիայի կառավարությունը կարևոր քայլեր է ձեռնարկել փոքրամասնությունների իրավունքներն ամրապնդելու ուղղությամբ:
Թոմաս դը Մեզիերը Ստամբուլում գերմանական ռադիոալիքին տված մեկնաբանություններում ասաց, որ «առաջընթաց» է գրանցվել, սակայն դեռ ավելի շատ բան կատարելու անհրաժեշտություն կա:
Գերմանիայի Ներքին գործերի նախարարը ասելով, որ «առաջընթացից հետո հուսով ենք գործողությունների կանցնեն», մատնանշեց, որ այս գործողությունների արդյունքում կբացվեն կամ էլ կվերաբացվեն հոգևորականներ պատրաստող հոգևոր դպրոցները:
Հեյբելի կղզու հոգևորական դպրոցի խնդիրը
Խոսքը վերոհիշյալ դպրոցներից 1971 թ. փակված Հեյբելի կղզու հոգևորական դպրոցի մասին է, որտեղ ապրող քահանաները պատրաստ սպասում են բացմանը: Եթե որոշումը կայացվի, դպրոցը կարող է բացվել մի քանի ամսվա ընթացքում: Հետևաբար սպասում են, որ Անկարան կանաչ լույս վառի:
Թուրքիան աշխարհիկ պետություն է, որտեղ մեծամասնություն են կազմում մուսուլմանները: Այս երկիրը մեղադրվել է անցյալում կրոնական փոքրամասնությունների իրավունքները չպաշտպանելու մեջ: Թոմաս դը Մեզիերն իր այցի ընթացքում ընգծել է, որ Թուրքիայի նման պետության համար, ով ջանում է դառնալ ԵՄ-ի անդամ, շատ կարևոր է խոսքի ազատությունը:
Մազիերը այցի շրջանակներում հանդիպում է ունեցել նաև Կրոնական գործերի նախարար Ալի Բարդաքօղլուի հետ: Մազիերը մասնավորապես ասել է. «Այս ազատությունը ներառում է ոչ միայն անհատների պաշտամունքը, այլև պաշտամունքային վայրերի պահպանումն ու կառուցումը, հոգևոր կրթությունը և միջկրոնական երկխոսությունը»:
Թուրք քաղաքականության ամենազուսպ գործիչներից մեկը` Բարդաքօղլուն, քրիստոնյա փոքրամասնությունների հետ համաձայնության բազմաթիվ քայլեր է ձեռնարկել:
26.09. 2010
«Հյուրիեթ»
Leave a Reply