Թուրքական հեռուստաընկերություններից մեկի եթերում Ստամբուլի հայկական «Ակօս» շաբաթաթերթի խմբագիր Ռոբեր Քոփթաշը ներկայացրել է Թուրքիայում հայ լինելու դժվարությունները։
Ռոբերը նշել է, թե իրեն տանը Ռոբեր էին կոչում, սակայն անձնագրում իր անունը Մուրադ էր, քանի որ իր հայրը չէր ցանկացել, որ անվան պատճառով բանակում խնդիրների հանդիպի։ Իր դպրոցական տարիների մասին պատմող Ռոբերը նշել է, թե ինքը չի ցանկացել երգել Թուրքիայի հիմնը։
Ըստ «Ակօս»-ի խմբագրի՝ Թուրքիայում հայ լինելը դժվար է։ «Հայ բառը նույնիսկ հայհոյանք է օգտագործվում։ Մի անգամ մեր ընկերներից մեկը, ով անգամ հայ չէր, իջեցվել է տաքսուց այն պատճառով, որ հայկական «Ակօս»-ի խմբագրությունում է աշխատում»,- նշել է Ռոբեր Քոփթաշը։
«Ակօս»-ի խմբագիրը անդրադարձել է նաեւ Աղթամարի Սուրբ Խաչի խնդրին եւ նշել, թե այն պետք է մնա որպես եկեղեցի, ինչպես նաեւ հավելել, թե ինքը հավատում է իշխող կուսակցության կողմից հայկական նախաձեռնությունների անկեղծությանը։
Սեպտեմբեր 25, 2010
Leave a Reply