Աղթամարի Սուրբ Խաչ եկեղեցին

Կոչ` ուղղված ՙՀայթերթի՚ ընթերցողներին և բոլոր հայերին

Եթե լրատվամիջոցներում հրապարակվող և անուշադրության կամ անփութության պատճառով գրվող մի արտահայտություն հիմիկվանից չուղղենք, այն առաջիկայում կարող է պաշտոնականացվել: Ես Կալիֆորնիայից եկա Վան` մեր Սուրբ Խաչ եկեղեցում 95 տարի անց մատուցվելիք պատարագին մասնակցելու համար: Որպես նախկին պոլսահայ և սարկավագ` ուշադրության կենտրոնում էի պահում լրատվությունը. բոլոր թերթերում մեր եկեղեցին հիշատակվում ու ներկայացվում է որպես «Ակդամար եկեղեցի»: Նույնիսկ «Թարաֆ» օրաթերթի այսօրվա համարում վերոհիշյալ եկեղեցին հանդիպում է որպես «Աղթամար կղզու Աքդամար եկեղեցի» բնորոշմամբ: Ըստ իս` այդ երկու տերմիններն էլ սխալ են: Եթե դա հիմա չփոխենք, շատ մոտ ապագայում հենց այդպես էլ կմնա: Ճիշտն ասած, դարձյալ իմ կարծիքով` պետք է վարվենք հետևյալ կերպ. պետք է ԶԼՄ-ներին զգուշացնել, որ եկեղեցին կոչվում է Աղթամար կղզու (կամ էլ թող լինի Աքդամար, քանի որ արդեն վարժվել ենք) Սուրբ Խաչ եկեղեցի:

Բազմաթիվ հուշանվերներ էին վաճառվում Վանում: Մասնավորապես` եկեղեցու մակետները, որոնց բոլորի տակ էլ գրված էր «Աքդամարի եկեղեցի»: Ցանկանում էի հարազատներիս հուշանվերներ կամ նվերներ տանել, բայց դրանցից չկարողացա գնել, քանի որ եկեղեցու անվանումը սխալ էր նշված: Քանի որ Աքդամար էր գրված: Քանի որ չէր ասված՝ Սուրբ Խաչ եկեղեցի: ՙՀայթերթին՚ եմ գրում, որովհետև ոչ մեկին չեմ ճանաչում` ձեզնից բացի: Հուսով եմ` ուշադրության կարժանացնեք:

Հարգանքներով` Հակոբ Դեմիճյան

23.09.2010

ID:719

http://www.hyetert.com/yazi3.asp?s=2&Id=719&DilId=1