Արդեն երկար ժամանակ է` թուրքերին հանգիստ չի տալիս այն միտքը, որ Աթաթուրքի ստորագրության հեղինակը հայազգի Հակոբ Չերչյանն է, ով դասավանդել է հայտնի Ռոբեր քոլեջում։ Թուրքական մամուլում տեղեկություններ հայտնվեցին, թե ստորագրության հեղինակը Սաբիհա Գյոքչենն է։
Սակայն Իզմիրի տեղական թերթերից մեկի լրագրողն անձամբ է զրուցել Հակոբ Չերչյանի որդու՝ 90-ամյա Տիգրան Չերչյանի հետ, ով ապրում է ԱՄՆ-ում։
Տիգրան Չերչյանը ստահոդ է համարել թուրքական մամուլում տեղ գտած հրապարակումները` նշելով, որ իր հայրն է Աթաթուրքի ստորագրության հեղինակը, որի համար Աթաթուրքից շնորհակալական նամակ է ստացել։ «Ես այն ժամանակ 13 տարեկան էի։ Հիշում եմ. ոստիկանները եկան եւ վերցրեցին հայրիկիս կողմից ստեղծված ստորագրության օրինակները։ Այնուհետ Աթաթուրքը տարիներով օգտագործեց հայրիկիս ստեղծած ստորագրությունը»-նշել է Տիգրան Չերչյանը։
Նշենք, որ թուրքերեն այբուբենի հեղիակը` Հակոբ Դիլաչարը (Մարթայան), նույնպես հայ է, ով Աթաթուրքի խնդրանքով է ստեղծել այն եւ մեծ ներդրում կատարել թուրքական քերականության եւ լեզվաբանության մեջ։
Սեպտեմբեր 22, 2010
Leave a Reply