Վանի Աղթամարի Ս. Խաչ եկեղեցում պատարագ մատուցելու հետ կապված զբոսաշրջիկների առատ հոսքը Կարս քաղաք ստիպել է, որ Կարսում եւս սկսեն գործընթաց` մզկիթի վերածված Կարսի Առաքելոց եկեղեցում պատարագ մատուցելու թույլտվություն ստանալու համար:
NEWS.am-ի թղթակցի հետ զրույցում Կարսի տուրիստական ոլորտի պատասխանատուներից մեկը նշեց, թե Կարսում տուրիզմի զարգացումը խթանելու համար քաղաքի բնակչությունը կողմ է, որ Կարսի բերդի հարեւանությանբ գտնվող եւ ներկայում որպես մզկիթ գործող Կարսի Առաքելոցը վերաբացվի որպես եկեղեցի եւ այնտեղ տարին մեկ անգամ պատարագ մատուցվի:
Նշենք, որ հայոց Բագրատունիների օրոք՝ 10-րդ դարում կառուցված Կարսի առաքելոց եկեղեցին պատմության ընթացքում ժամանակ առ ժամանակ եկեղեցուց վերածվել է մզկիթի: Վերջին վերանորոգումից հետո էլ խոսակցություն կար, թե այն կարող է դառնալ եկեղեցի կամ թանգարան, սակայն այն, ի վերջո, վերածվեց մզկիթի, չնայած պատերի վրա առկա են քանդակված խաչեր եւ առաքյալների պատկերները:
Սեպտեմբեր 23, 2010
Leave a Reply