Այա Սոֆիայի պատարագն առայժմ հետաձգվեց

2010 թ. սեպտեմբերի 16-ին, ժամը 23:37-ին Այա Սոֆիա էին գալու` կրոնական արարողություն անելու: Թուրքիայի կողմից ցուցաբերված դիվանագիտական մեծ ճնշումների պատճառով վերջին պահին հրաժարվեցին, սակայն` ժամանակավոր… Այա Սոֆիայի պատարագն առայժմ հետաձգվեց:

Այա Սոֆիայում կրոնական արարողություն կատարելու պահանջով հանդես եկած ամերիկացի հույներից բաղկացած մոտ 250 հոգանոց խումբը հրաժարվել է Թուրքիա գնալու գաղափարից:

Հունաստանի Դեդեաղաչ (Ալեքսանդրուպոլիս) քաղաքում գտնվող սույն խմբի (խումբ, որի մուտքը Թուրքիա սպասվում էր այս երեկո, ամենաուշը վաղը` առավոտյան ժամերին) առաջնորդ և Այա Սոֆիա եկեղեցու միջազգային համայնք կազմակերպության նախագահ Խրիս Սփիրուն «Անադոլու» գործակալության թղթակցին տված հարցազրույցում հայտնեց, թե «իրենց է հասել մի փաստաթուղթ, որում թուրքական իշխանություններից ունեցած իրենց պահանջը և գործողությունները որակվել են որպես սադրանք»:

Սփիրուն շեշտելով, որ «խումբն ընդամենը աղոթելու նպատակ է հետապնդել», պնդեց, թե վերոհիշյալ փաստաթուղթը գրեթե «Թուրքիա մտնելու արգելքի» բնույթ էր կրում և հաղորդեց, որ դեպքերի այդ զարգացման պատճառով իրենք Ստամբուլ չեն գալու:

Հարցազրույցի շնորհիվ պարզվեց նաև, որ Այա Սոֆիա եկեղեցու միջազգային համայնք կազմակերպությունը հիմվել է 2005 թ. ԱՄՆ-ում, և որ այն հետապնդում է Այա Սոֆիային եկեղեցու կարգավիճակ տալու նպատակ, իսկ կազմակերպության նախագահ Սփիրուն արմատներով Հունաստանի Քարդիչա քաղաքի Փորթիա գյուղից է և ԱՄՆ է տեղափոխվել 1956 թ.:  

internethaber.com
16.09.2010