Ցեղասպանության թանգարան-ինստիտուտի տնօրեն Հայկ Դեմոյանը «Հայոց աշխարհ»-ի թղթակցին պատմել է.«Անցյալ տարի ամերիկացի մի զույգ ինձ ներկայացրեց ինչ-որ ուղեցույց, որը բացատրում էր թուրքական ընկերության կողմից արտադրված մետաղաորոնիչի գործածության ձեւը` գանձեր հայտնաբերելու համար: Այնտեղ նշվում էր, որ ոսկի եւ այլ գանձեր որոնելու լավագույն վայրերը քրիստոնեական գերեզմանատեղիները եւ քրիստոնեական եկեղեցիների հիմքերն են: Նրանք շատ զարմացան, որ ես չզարմացա ուղեցույցի բացատրական տեքստի հետ ծանոթանալիս։ Ու ես բացատրեցի իմ պահվածքի իմաստը. «Բարի գալուստ Թուրքիա, բարեկամներս»: Որեւէ մեկը կասկած չպետք է ունենա, որ այդ մետաղաորոնիչի ձեռնարկն ազգային փոքրամասնությունների եւ նրանց մշակութային ժառանգության հանդեպ թուրքական պետական քաղաքականության ուղղակի հայելային անդրադարձն է: Այս քաղաքականությունը խորհրդանշական կերպով իրենից ներկայացնում է հզոր մի մետաղաորոնիչ, որը ոչ միայն փորձում է հայտնաբերել բռնագաղթերի ժամանակ թաքցված հայկական ոսկին, այլեւ քրիստոնեական տաճարների վրա տեղադրված մետաղյա խաչերը»:
Սեպտեմբեր 16, 2010
Leave a Reply