Ի պատասխան Աղթամարի եկեղեցում պատարագ անելու վերաբերյալ լրագրողների հարցերին` Էրդողանը նշեց հետևյալը. «Մեր երկրում հայ քաղաքացիներ ունենք: Ցանկացանք ցույց տալ, թե մեր հայ քաղաքացիների նկատմամբ, նրանց կրոնական հուշարձանների, վանքերի հանդեպ մեր հայացքն ինչպիսին է: Ըստ էության, սա թուրքի հանդուրժողականության արտահայտումն է: Այս հանդուրժողականությունն իրավունք ունենք սպասելու նաև մեր մյուս դավանանքի ներկայացուցիչներից, աշխարհի տարբեր վայրերից: Ցանկանում ենք, որ նրանք էլ նույն ըմբռնումը, նույն հանդուրժողականությունը և մոտեցումը ցուցաբերեն մեր հանդեպ: Կարծում ենք, որ մեր արածներն անպատասխան չեն մնա: Մենք հավատում ենք դրան»:
«Յենիշաֆաք» օրաթերթ
16.09.2010
Leave a Reply