Մարդու իրավունքների եվրոպական դատարանը Թուրքիային մեղավոր է ճանաչել:

Մարդու իրավունքների եվրոպական դատարանը հարձակման արդյունքում սպանված լրագրող Հրանտ Դինքի ընտանիքի ներկայացրած հայցի հիման վրա Թուրքիային մեղավոր է ճանաչել:

Մարդու իրավունքների եվրոպական դատարանը որոշում է կայացրել, համաձայն որի` Թուրքիան խախտել է Եվրոպայի մարդու իրավունքների համաձայնագրի 2, 10 և 13 կետերը: Համաձայն որոշման` Թուրքիան, դատարանի ծախսերը ներառյալ, Հրանտ Դինքի մերձավորներին վճարելու է 133 հազար եվրո:

 Մարդու իրավունքների եվրոպական դատարանը, ի մի բերելով Դինքի և նրա ընտանիքի տարբեր տարիների 5 առանձին հայցադիմումները, դատական  գործընթացի ժամանակ համատեղ որոշում է կայացրել: Դինքի ընտանիքի հայցի հիման վրա Թուրքիան մեղադրվել է Եվրոպայի մարդու իրավունքների համաձայնագրի` ապրելու իրավունքի վերաբերյալ 2-րդ կետի, մտքի ազատության վերաբերյալ` 10-րդ և ազդեցիկ հայցադիմումի իրավունքի վերաբերյալ` 13-րդ կետերի խախտման մեջ:

Դինքի ընտանիքի հայցում տեղ են գտել հետևյալ պնդումները. «Պետությունը չի իրականացնրել Հրանտ Դինքի` ապրելու իրավունքի պաշտպանության վերաբերյալ իր պարտականությունը, ինչպես նաև հարձակման մեղավորներին գործուն հարցաքննության չի ենթարկել: Դինքին Թուրքիայում ձեռբակալելով և դատապարտելով` դարձրել է ծայրահեղականների թիրախ»:

sabah.com.tr

14.09.2010 12:44

http://www.sabah.com.tr/Gundem/2010/09/14/dink_karari_aciklaniyor