Դիարբեքիրի Չյունգյուշ գավառում 15-րդ դարից մնացած պատմական հայկական եկեղեցու բակում տեղ է կառուցվում` Ղուրանի դասընթացների համար: Այն դեպքում, երբ Դիարբեքիրի Հնագիտության թանգարանի իրավասուները հայտնեցին, որ իրավիճակի մասին տեղեկացրել են Պահպանման խորհրդին, շինարարության իրավասուներն ասացին, թե թույլտվություն են ստացել կայմակամությունից (գավառապետությունից): Իսկ կայմակամությունը հայտնեց. ՙՊաշտոնական թույլտվություն չի տրվել՚:
Այն հանգամանքը, որ որպես ՙհնավայր՚ ճանաչված, սակայն անխնամ լինելու պատճառով ավերակի վերածված եկեղեցու անմիջապես կողքը տեղ է կառուցվում Ղուրանի դասընթացների համար, լրիվ փլատակի է վերածելու սույն պատմական կառույցը: Դիարբեքիրի Հնագիտության թանգարանին տեղեկացրեցին իրադրության մասին եւ խնդրեցին, որպեսզի Դիարբեքիրի Մշակութային և բնական հարստությունների պահպանման գերագույն խորհուրդն ուսումնասիրություն իրականացնի այս վայրում: Իսկ Պաշտպանության խորհրդի իրավասուները, որոնց հետ մենք ցանակացանք հանդիպել, ասացին. ՙՄենք չենք կարող մամուլին տեղեկություններ հաղորդել՚:
Հակասական մեկնաբանություն
Ղուրանի դասընթացների համար նախատեսվող շինության կառուցումն իրականացնող մասնավոր շինարակական ընկերության աշխատակիցները կառույցի թույտվության առնչությամբ հայտնում են, թե կայմակամությունից ստացել են անհրաժեշտ թույլտվությունը: Իսկ Չյունգյուշի կայմակամության իրավասուները պնդում են, որ նրանք տեղյակ չեն այսպիսի մի կառույցի շինարարության մասին: Իրավասուները, որոնք նշում են, թե խոսք անգամ լինել չի կարող որեւէ թույտվության մասին, շատ հարցականների տեղիք են տալիս իրենց հետեւյալ բացատրությամբ. ՙՄեր կողմից տրված պաշտոնական թույտվություն չկա: Բայց եթե անհատապես խնդրագիր է տրվել ու ստորագրվել, դրա մասին տեղյակ չենք՚:
Ղուրանի դասընթացների համար նախատեսվող կառույցի` մոտ երկու ամիս շարունակվող շինարարությանն իրավասուների կողմից չմիջամտելը, կառույց, որի երրորդ հարկի շինարարությունն արդեն ավարտվելու վրա է, ենթադրել է տալիս, թե շինարարությունն իրականացվում է օրինականորեն: Դեպի գավառի կենտրոն մուտքի մոտ գտնվող այս եկեղեցին երբեւէ չի վերանորոգվել: Սույն եկեղեցին հայերի հին բնակավայրերից մեկը եղող Չյունգյուշում, հայկական անունով` Չընքուշում, գտնվող երկու հայկական եկեղեցիներից մեկն է:
Սերթաչ Քայար– Իսմեթ Միքաիլօղուլլարը
Leave a Reply