«Բիրզամանլար» հրատարակչությունը, որի խորհուրդը գտնվում է Ստամբուլում, և «Կոմիտաս» ինստիտուտը, որի կենտրոնը տեղակայված է Լոնդոնում, հաղորդում են, որ համատեղ գիրք են տպագրել` Վանա լճի Աղթամար կղզում գտնվող Սուրբ Խաչ հայկական եկեղեցու մասին:
Մեկը` թուրքական և մյուսը` հայկական հրատարակչատների կողմից (մեկ գրքով) անգլերենով ու թուրքերենով հրատարակված երկլեզու գիրքը կրում է հետևյալ վերնագիրը. «Աղթամար. հայ միջնադարյան ճարտարապետության գոհարը»:
Գրքի տեքստը կազմված է Ստեփան Մնացականյանի ուսումնասիրությունից, որը Սուրբ խաչ եկեղեցուն և վերջինիս պատերի վերին աստիճանի ուշագրավ ռելիեֆներին է անդրադառնում` միջնադարյան հայկական ճարտարապետության տեսանկյունից: Մնացականյանի` 1980-ականներին իրականացրած սույն հետազոտությունը գրքում հարստացվել է նաև Միլանում գտնվող Արեսից վերցված ճարտարապետական գծերով և Քադիր Չիթաքի կողմից արված ժամանակակից լուսանկարներով:
Արա Սարաֆյանի և Օսման Քյոքերի կողմից կազմված ու Հայկական բարեգործական ընդհանուր միության (AGBU) «Ասպետներ» ծրագրի աջակցութամբ հրատարակված սույն գիրքը թուրք ընթերցողներին կծանոթացնի հայ միջնադարյան արվեստի և ճարտարապետության հետ:
«Աղթամար. հայ միջնադարյան ճարտարապետության գոհարը» գրքի շնորհանդեսները տեղի կունենան` սեպտեմբերի 17-ին Վանում և սեպտեմբերի 21-ին` Ստամբուլում:
Լուրը http://hyetert.com կայքին է տրամադրել Օսման Քյոքերը
13.09.2010
Leave a Reply