Պատարագը, որը կայանալու է սեպտեմբերի 19-ին Վանի Աղթամար կղզու Սուրբ Խաչ եկեղեցում, անցկացվում է բացառապես օտար աչքերի համար ու Հայաստանի հետ բարիդրացիական հարաբերությունների իմիտացիա է: Այս մասին ասված է սեպտեմբերի 10-ին Ռուսաստանի ջավախահայերի տարածած հայտարարության մեջ: Նրանց հայտարարության մեջ մասավորապես ասվում է. «Մենք բոլորս շատ լավ հասկանում ենք, թե ինչու է թուրքական կառավարությունը այդ քայլին գնում: Եթե մենք, հայրես, գնանք այդ սադրանքին, դա կշանակի, որ մենք նպաստում ենք թուրքական դիվանագիտության հաղթանակին եւ մեր դիվանագիտության, ինչպես նաեւ պետականության ու բարոյականության պարտությանը:
Թուրքիայի ղեկավարությունը, խաղալով հայերի կրոնական զգացմունքների վրա, պատրաստվում է թատերական բեմադրություն կազմակերպել, որտեղ գլխավոր դերն առաջարկում են խաղալ հայերին: Նրանք փորձում են դա ներկայացնել որպես բարի կամքի դրսեւորում ողջ հայության նկատմամբ, ցուցադրել իրենդ փսեւդո-հանդուրժողականությունը:
Լուրջ քայլեր ձեռնարկելու փոխարեն, Թուրքիան կազմակերպում է իմիտացիոն շոու: Չի բացառվում, որ սուրբ Խաչ եկեղեցու գմբեթին խաչի փոխարեն թուրքական դրոշ տնկեն, իսկ եկեղեցու պատերը զարդարեն Աթա Թուրքի նկարներով»:
Ռուսաստանի ջավախահայերը համարում են, որ յուրաքանչյուր գիտակից հայ, ով հարգում է իր ազգը եւ սեփական արժանապատվությունը, պետք է ձեռնպահ մնա այդ «թատրոնին» մասնակցելուց:
Սեպտեմբեր 10, 2010
Leave a Reply