Ստամբուլի հարակից կղզիների վարչական ղեկավար Մուսթաֆա Ֆարսաքօղլուն հայտնել է, թե սեպտեմբերի 11-ին Քնալ կղզում իր դռները կբացի Հրանտ Դինքի անունով մանկական զբոսայգին։
Թուրքական Radikal-ի փոխանցմամբ՝ ընդդիմադիր «Ժողովրդահանրապետական» կուսակցության անդամ Մուսթաֆա Ֆարսաքօղլուն վարչական խորհրդում, իշխող կուսակցության անդամների աջակցությամբ, ընդունել է որոշում, որով Քնալ կղզու մանկական զբոսայգին վերանվանվել է Հրանտ Դինքի անունով։ Հենց Մուսթաֆա Ֆարսաքօղլուին է պատկանում Ստամբուլի որոշ փողոցներ եւ թաղամասեր, Հրանտ Դինքի անունով կոչելու միտքը։
Կղզիների վարչական ղեկավարը նշել է, թե Հրանտ Դինքին վաղուց էր ճանաչում եւ հավելել. «Նա շատ լավ լրագրող էր եւ հայրենասեր։ Նրա հետ պատահած ողբերգական դեպքից հետո մեր կղզիների բնակիչները խոր վշտի մեջ էին։ Դինքը սիրում էր երեխաներին։ Նա լցված էր մարդկանց նկատմամբ սիրով։ Եթե երեխաները տեսնեն նրա անունը զբոսայգու վրա, շատ կուրախանան»։
Սեպտեմբեր 10, 2010
Leave a Reply