Պատրիարքարանից տեղեկացրեցին, որ պատարագի ծրագրում փոփոխություն չկա

Թուրքիայի Հայոց պատրիարքարանից տեղեկացրեցին, որ այսօր գումարված կրոնական ժողովը որոշում է կայացրել, որ սեպտեմբերի 19-ին Վանի Սուրբ Խաչ եկեղեցում նախատեսված պատարագը կատարվելու է առանց որևէ փոփոխության, նախապես պլանավորված ծրագրի համաձայն:

 Թուրքիայի Հայոց պատրիարքարանի կողմից կնքված գրավոր պարզաբանման մեջ ասվում է հետևյալը. «Թուրքիայի Հայոց պատրիարքարանի կրոնական ժողովը պատրիարքի տեղապահ արքեպիսկոպոս Արամ Աթեշյանի գլխավորությամբ հավաքվել և հանդիպում է գումարել Վան նահանգի Գևաշ գավառի Աղթամար կղզում գտնվող Սուրբ Խաչ եկեղեցում 2010 թ. սեպտեմբերի 19-ին` կիրակի օրը` ժամը 11.00-ին ծրագրված պատարագի վերաբերյալ: Կրոնական ժողովը  որոշել է, որ նախատեսված պատարագը կատարվելու է առանց որևէ փոփոխության, նախապես պլանավորված ծրագրի համաձայն: Մամուլում հրապարակված «Հայոց պատրիարքարան» արտահայտությունը որևէ կապ չունի Թուրքիայի Հայոց պատրիարքարանի հետ»:

 beyazgazete.com
06.09.2010