Դեպարդյեն այցելել է Ծիծեռնակաբերդի հուշահամալիր

 «Կարոտ» փառատոնի շրջանակում Երևան այցելած ֆրանսիացի աշխարհահռչակ դերասան Ժերար Դեպարդյեն այսօր առավոտյան այցելել է Հայոց ցեղասպանության զոհերի Ծիծեռնակաբերդի հուշահամալիր։ Նրան ուղեկցել է «Կարոտ» փառատոնի տնօրեն Մեցո Իգիթյանը։ Ֆրանսիացի դերասանը սպիտակ մեխակներ է դրել Ցեղասպանության զոհերի հիշատակը հավերժացնող անմար կրակի մոտ և մեկ րոպե լռությամբ հարգել նրանց հիշատակը։

 Հիշեցնենք, որ այսօր նախատեսվում է նաև Դեպարդյեի հանդիպումը ՀՀ նախագահի և Ազգային ժողովի նախագահի հետ:

 Նշենք, որ դերասանը Երևան է ժամանել «Կարոտ» միջազգային փառատոնի շրջանակում։ Փառատոնը մեկնարկել է սեպտեմբերի 2-ին Ստեփանակերտում և այժմ շարունակվում է Երևանում: Փառատոնի նպատակը Սփյուռքում հայկական մշակույթը պահպանելն ու ներկայացնելն է։

Tert.am

04.09.10