Հայերն Աղթամարում պատարագ կանեն առանց խաչի

200 կիլոգրամանոց խաչի` եկեղեցու վրա տեղադրումը հետաձգվեց:

Մինչ Վանա լճի վրա գտնվող պատմական Աղթամար կղզու հետ միևնույն անունը կրող Աղթամար եկեղեցին (եկեղեցու անունը Սուրբ խաչ է – www.akunq.net) նախապատրաստվում է սեպտեմբերի 19-ին մատուցվելիք  պատարագին, Թուրքիայի հայոց պատրիարքի հոգևոր խորհրդի նախագահ, արքեպիսկոպոս Արամ Աթեշյանը տեղեկություններ ստացավ Վանում պատարագից առաջ կատարվող նախապատրաստությունների մասին: Աթեշյանը հայտնեց, որ եկեղեցու վրա տեղադրվելիք խաչը կշռում է մոտավորապես 200 կգ, և այն կարող է տեղադրվել այստեղ նավամատույց կառուցվելուց հետո միայն: Աթեշյանն ասաց, թե անհնար է, որ խաչի տեղադրումը մինչև պատարագ հասցնեն, սակայն խաչը պատարագի օրը կցուցադրվի այցելուներին:

Աղթամարում կատարվելիք առաջին պատարագից առաջ պատրաստությունները տեղում տեսնելու համար Հայոց պատրիարքի Հոգևոր խորհրդի նախագահ, արքեպիսկոպոս Արամ Աթեշյանը, Պոլսո Հայոց պատրիարքարանի արքեպիսկոպոս Թաթուլ Անուշյանը, տեխնիկական հարցերով պատասխանատու Սարգիս Չավուշյանը և տուրիզմի գծով պատասխանատու Վարդուհի Էրգյունեշը այցելեցին Վան: Աթեշյանը և հայկական պատվիրակությունը հայտնելով, թե իրենք բավականին գոհ են Վանում կատարվող նախապատրաստական աշխատանքներից, առաջին անգամ Վանի նահանգապետրանաում այցի գնացին նահանգապետ Մյունիր Քարալօղլուին:

Խաչը տեղադրվելու է պատարագից հետո

Արքեպիսկոպոս Արամ Աթեշյանը մոտ 1 ժամ զրուցեց Վանի նահանգապետ Մյունիր Քարալօղլուի հետ: Պատարագի պատրաստությունների մասին տեղեկություններ ստացած Աթեշյանը այստեղից ուղևորվեց նաև Վանի առևտրի ու արդյունաբերության պալատ:  Վանի առևտրի ու արդյունաբերության պալատի նախագահ Զահիր Քանդաշօղլուի հետ հանդիպած արքեպիսկոպոս Աթեշյանը հաղորդեց, որ խաչի տեղադրումը եկեղեցու վրա մինչև պատարագի օրն անհնար է հասցնել: Աթեշյանն ասաց հետևյալը. «Մեր նահանգապետին այցի ժամանակ տեղեկացանք, որ Աղթամարի եկեղեցու խաչի տեղադրման գործողության կատարումն անհնար է հասցնել մինչև պատարագ` զուտ տեխնիկական պատճառներով: Մեր նահանգապետը մեծ աշխատանքեր է կատարել Աղթամարի եկեղեցում պատարագ մատուցելու և այս գործընթացի զարգացման համար: Իրենց հետ ունեցած մեր բոլոր հանդիպումների ժամանակ միշտ աջակցություն են ցուցաբերել մեր հանդեպ: Մեր այսօրվա հանդիպման ընթացքում, որն ուղղված էր կատարված աշխատանքները գնահատելուն, նահանգապետն ասաց, որ խաչի տեղադրումը տեխնիկական ու դժվարին գործողություն է: Մոտ 200 կիլոգրամանոց խաչի` եկեղեցու վրա տեղադրման համար անհրաժեշտ է նավամատույց կառուցել: Այդ իսկ պատճառով էլ եկեղեցու վրա տեղադրվելիք խաչը պատարագի օրը կցուցադրվի այցելուներին»:

Հայ հյուրերին շատ լավ ընդունելություն կցուցաբերվի

Հայոց պատրիարքարանի հոգևոր խորհրդի նախագահ, արքեպիսկոպոս Արամ Աթեշյանի գլխավորած պատվիրակությունը այնուհետև այցելեց նաև Վանի քաղաքապետ Բեքիր Քայային, տեղեկություններ ստացավ պատարագից առաջ քաղաքում կատարված պատրաստությունների մասին և խնդրեց, որ պատարագի ժամանակ աջակցություն ցուցաբերվի: Վանի քաղաքապետ Բեքիր Քայան նշելով, թե իրենք պատրաստ են այդ հարցում ամենայն աջակցություն ցուցաբերել, նաև հետևյալն ասաց այդ կապակցությամբ. «Մենք պատրաստ ենք օգնել բոլոր այն հարցերում, որոնք մեզ են վերաբերում: Անհրաժեշտ աջակցություն կցուցաբերենք նաև այցելուներին ընդունելու, տեղ հասցնելու և այլ նման հարցերում: Ջանք չենք խնայի սեպտեմբերի 19-ին նախատեսվող պատարագի արարողությունը լավ անցկացնելու համար: Մեր հյուրերին կցուցաբերվի շատ լավ ընդունելություն»:

Սեբահաթին Յըլմազը հաղորդում է Վանից

Դողան լրատվական գործակալություն

02.09.2010