Գերմանական հեռուստաալիքով Հրանտ Դինքի մասին վավերագրական մի ֆիլմ է ցուցադրվել

Մինչ այդ էլ, այսպես կոչված, Հայոց ցեղասպանության մասին փաստագրական ֆիլմ ցուցադրած գերմանական պետական առաջին հեռուստատեսություն ARD-ին ենթակա EinsExtra հեռուստաալիքը ցուցադրել է մի նոր վավերագրական ֆիլմ ևս:

EinsExtra հեռուստաալիքը հաղորդել է, թե հայերը աշխարհի ամենահին քաղաքակրթություններից մեկի ներկայացուցիչներն են, որոնց արմատները հասնում են մինչև անտիկ աշխարհ: Գերմանական ալիքը հայտնել է, որ հայերը Թուրքիայում 20-րդ դարի սկզբներին ենթարկվել են ցեղասպանության, այդ հաղորդման ժամանակ մեծ տեղ է հատկացվել նաև 2007 թ. հունվարի 19-ին զինված հարձակման արդյունքում մահացած Հրանտ Դինքի սպանությանը: 53 րոպեանոց հաղորդման մեջ «Ակօս» թերթի գլխավոր խմբագիր Դինքը որակվել է որպես թուրքերի ու հայերի միջև մերձեցման խիզախ պաշտպան: Սույն վավերագրական ֆիլմում, որի ընթացքում ցուցադրվել են նաև տարբեր լրագրողների, գրողների ու քաղաքական գործիչների հետ հարցազրույցներ և Հրանտ Դինքի կյանքից դրվագներ պատկերող լուսանկարներ, նշվել է նաև, որ Դինքի սպանությանն առնչվող բազմաթիվ հարցեր դեռևս պատասխան չեն ստացել, և որ քննարկվում է այս սպանության կապը «Էրգենեքոն» ահաբեկչական կազմակերպության հետ:

Իհսան Դյորթքարդեշ

Դողան լրատվական գործակալություն

31.08.2010