Թուրքիայի կրոնի գործերով վարչության ղեկավար Ալի Բարդաքօղլուն առաջին անգամ հանդես է եկել եկեղեցու բացման օգտին: «Մենք վրդովվում ենք, երբ լսում ենք, որ Եվրոպայում արգելում են մինարեթները: Մենք պետք է ապահովենք դավանանքի ազատությունը մեր սեփական տարածքում: Եթե մենք կրոնի հարցերին անդրադառնանք անվտանգության տեսանկյունից, չենք կարող լուծել այդ խնդիրը»,- հայտարարել է Ալի Բարդաքօղլուն՝ կոչ անելով բացել Սուրբ Պողոսի եկեղեցին Թուրքիայի հարավում:
«Անհրաժեշտ եմ համարում, որ Տարսուսում Սուրբ Պողոս եկեղեցին գործի ըստ էության, այլ ոչ թե որպես թանգարան»,- ասել է վարչության ղեկավարը: Բարդաքօղլուն հայտարարել է, թե ամեն անգամ արտերկիր մեկնելիս հարկադրված է բացատրել, թե ինչու է եկեղեցին թանգարանի վերածվել:
Օգոստոս 24, 2010
Leave a Reply