Թուրքիայի արտգործնախարար Ահմեթ Դավութօղլուն ցավում է այն բանի համար, որ Թուրքիան Մարդու իրավունքների եվրոպական դատարանին ներկայացրած պաշտպանության տեքստում Հրանտ Դինքին համեմատել է նեոնացիստի հետ։
«Ես ցավում եմ խոսքի ազատության վերաբերյալ Եվրոպական դատարանին ուղարկված թուրքական կողմի պաշտպանական տեքստի համար։ Դա չպետք է տեղի ունենար։ Որպես մտավորական և որպես նախարար՝ ես չեմ կարող ընդունելի համարել դա»,– ասել է նա՝ ընդգծելով, որ իրեն վշտացրել է այդ տեղեկությունը։
Թուրքիայի արտգործնախարարը նաև ասել է, որ ինքը չի ստորագրել այդ փաստաթուղթը, և երբ պաշտպանությունն ուղարկվել է Եվրոպական դատարան, ինքը երկրում չի եղել։
Tert.am
19.08.10
Leave a Reply