Գնդիկ

Ամանի մէջ լեցնել հաւկիթը եւ շաքարի հետ լաւ մը խառնել, աւելցնել կաթի մէջ լուծուած սոտան (Kabartma Tozu) եւ աղը, ապա քիչ-քիչ ալիւր աւելցնելով՝ խմորը հունցել: Պատրաստուած փափուկ խմորը այնպէս մը բանալ, որ շերտի հաստութիւնը 1,5 սմ-էն աւելի չըլլայ: Կլոր հատիչով խմորը 3-4 սմ տրամագծով կտրտել, առատ ձէթի մէջ տապակել, քափկիրով փոխադրել ափսէին մէջ եւ անմիջապէս վրան լեցնել պատրաստուած շաքարի տաք օշարակը:

Խմորի համար` 2 գաւաթ ալիւր, 1 գաւաթ շաքար, կէս գաւաթ կաթ, 4 հաւկիթ, կէս թէյի դգալ սոտա, քիչ մը աղ:

Տապակելու համար՝ ձէթ:

Օշարակի համար` 2 գաւաթ շաքար, 1 գաւաթ ջուր:

Այտա Կոստանեան

Ակօս, 06.08.2010