Համշենցիները հրաժարվում են թուրքական հեռուստատեսությունից՝ հանուն ներհամայնքային կապերի ամրապնդման

Թուրքական լրատվալիջոցները տեղեկացնում են, որ թուրքական Ռիզե նահանգի մի ոչ մեծ գյուղի բնակիչները, որոնք համշենցիներ են (հեմշիլներ – իսլամացված համշենահայեր), հրաժարվել են հեռուստացույցներից՝ հանուն ներհամայնքային կապերի ամրապնդման: Հեմշիլների  համոզմամբ՝ զանազան ծրագրերի դիտումը կարող է իրենց օտարացնել միմյանց նկատմամբ, քանի որ հեռուստացույցը ժամանակ չի թողնում ՙկենդանի՚ շփման համար:

Գյուղում նորություններին տեղեկանում են ռադիոհաղորդումներից, իսկ ողջ ազատ ժամանակը տրամադրում են երգերին, պարերին և միմյանց հետ զրույցներին: Գյուղի միակ հեռուստացույցը տեղադրված է հյուրանոցում՝ զբոսաշրջիկների համար: ՙՄեզ ոչ ոք չի արգելել հեռուստացույց դիտել, դա մեր որոշումն է: Մենք չենք ուզում մեր ժամանակն անիմաստ վատնել և օրվա մեջ մի քանի ժամ անցկացնել էկրանների առջև, ինչպես անում են քաղաքաբնակները: Հեռուստահաղորդումներ դիտելու փոխարեն մենք հյուր ենք գնում միմյանց՚,- պատմում է գյուղական խորհրդի ղեկավար Աթիլլա Գյուներին:

Գյուղապետի խոսքերով՝ զբոսաշրջիկներն ու հարևան բնակավայրերի բնակիչները կարծում են, թե իրենց գյուղում էլեկտրականություն չկա, այդ պատճառով չկա նաև հեռուստատեսություն, բայց այդպես չէ: Նախկինում գյուղի բնակիչներն իսկապես ուզում էին հրաժարվել էլեկտրականությունից և նույնիսկ ստորագրեցին համապատասխան դիմում. նրանք ենթադրում էին, որ էլեկտրալարերը կփչացնեն բնապատկերը: Բայց ի վերջո իշխանությունները գյուղի բնակիչներին համոզեցին անցկացնել էլեկտրականություն՝ խոստանալով բոլոր էլեկտրալարերն ացկացնել գետնի տակով:

ՙՄենք բոլորս էլ կատարյալ երջանիկ ենք և վարժվել ենք ապրել այնպես, ինչպես մեզ է դուր գալիս՚,- ամփոփեց Գյուներին:

http://www.yerkramas.org/2010/08/06/amshency-otkazyvayutsya-ot-tureckogo-televideniya-radi-ukrepleniya-vnutriobshhinnyx-svyazej/