Թուրքիայի հատուկ ծառայությունները ՙհյուրընկալ վանեցիների՚ մեջ ծպտյալ հայեր են որոնում

Որքան մոտենում է սեպտեմբերի 19-ը՝ Աղթամար կղզու Սուրբ Խաչ հայկական եկեղեցու բացման օրը, թուրքական իշխանությունները այնքան շատ են փորձում տարբեր ճանապարհներով աշխարհի ուշադրությունը բևեռել իրենց, այսպես կոչված, ՙբարի կամքի՚ վրա:

Հատուկ ուշադրություն է հատկացված Վանի այն մեծաթիվ բնակչությանը, որոնք ցանկացել են իրենց տներում ընդունել եկեղեցու բացման արարողությանը իբր զանգվածաբար մասնակցելու պատրաստվող  սփյուռքահայերին: Այսպես՝  տեղական «Serivan» թերթի խմբագիր Ազիզ Այքաչի տեղեկացմամբ Վանում արդեն վեց հազար ընտանիք պատրաստակամություն է հայտնել իրենց տան դռները բացել հայերի առջև:

Սակայն Վանից  մեզ հասած տեղեկության համաձայն, որ ստացել ենք ՙԵրկրամաս՚ թերթի կայքեջի ընթերցողից, Վանի բնակչության ցուցաբերած ակտիվությունը Թուրքիայի իշխանությունների համար անսպասելի էր և անհանգստություն է պատճառել թուրքական հատուկ ծառայություններին: Հայերին իրենց տներում ընդունելու վանեցիների ակտիվությունը թուրքական հատուկ ծառայությունների մեջ կասկած է հարուցել առ այն, որ այդ ընտանիքները վանեցի հայերի սերունդներ են և թաքցնում են իրենց հայկական ծագումը: Ներկա դրությամբ Թուրքիայի հատուկ ծառայությունների համապատասխան ստորաբաժանումները ստուգումներ են անցկացնում, որոնց նպատակը այդ ընտանիքների էթնիկ ծագման բացահայտումն է: Այդ ստուգումների հետևանքով մի քանի ընտանիքների  թույլ չեն տվել իրենց տներում սփյուռքահայեր ընդունել:

ՙԵրկրամաս՚ թերթի լրատուն լինելով, այսպես կոչված, ՙծպտյալ հայ՚, նրանցից մեկն էր, որ ցանկություն էր հայտնել իր տանը ընդունել սփյուռքահայ ուղտագնացների, մասնավորապես՝ Կրասնոդարի երկրամասից, որտեղ որոշ ժամանակ աշխատել է պայմանագրային հիմունքներով: Հասկանալի պատճառներով նրա անունը չենք հայտնում:

http://www.yerkramas.org/2010/08/04/sredi-gostepriimnyx-vancev-tureckie-specsluzhby-ishhut-skrytyx-armyan/