Գլանիկ

Ամանի մէջ դնել իւղ, հաւկիթ, շաքար, վանել եւ վրան լեցնել գոլ կաթ, որուն մէջ լուծուած ըլլան թթխմորը եւ աղը: Այդ բոլորը 5 վայրկեան լաւ խառնել: Սեղանի վրայ ալիւրը բլրաձեւ մաղել, որու մէջ փոս ընել, լեցնել պատրաստուած խառնուրդը եւ աստիճանաբար ալիւրը խառնելով, խմորը հունցել, այնուհետեւ ծածկել սրբիչով, ձգել 1-1,5 ժամ:

Միաժամանակ պատրաստել խորիզը: Անոր համար թասի մէջ լեցնել հալած իւղը, շաքարափոշին, ալիւրը, վանելը եւ լաւ մը հունցել: Պատրաստի խմորը բաժնել 350 կրամնոց կտորներու, խմորի իւրաքանչիւր կտորը բանալ ողղանկիւնաձեւ շերտով, 5-7 մմ. հաստութեամբ: Անոնց երեսին իւղ քսել, հաւասար շերտով դնել 200 կ. խորիզը եւ փաթթել երկարութեամբ` տալով անոր գլանի ձեւ (կլոր ձող): Գլանիկը կարի կողմով դնել իւղ քսած թիթեղաթերթի վրայ եւ 20-30 վայրկեան (րոպէ)  ձգել, որ խմորը գայ (հասնի): Թխելէ առաջ գլանիկի երեսին հաւկիթի դեղնուց քսել, եւ դանակով շեղ գիծեր կազմել: Թխել տաք փուռի մէջ 18-20 վայրկեան (րոպէ):

Խմորի համար` 1,5 գաւաթ տաք կաթի մէջ լուծուած 30կ. թթխմոր, 1քկ. ալիւր, 250կ. (1 գաւաթ) հալած իւղ, 6 հաւկիթ, 1 գաւաթ շաքար, կէս թէյի դգալ աղ, 1 տուփ վանել:

Խորիզի համար` 3 գաւաթ ալիւր, 250կ. (1 գաւաթ) հալած իւղ, 1 գաւաթ շաքարափոշի, 1 տուփ վանել:

Երեսը քսելու համար` կէս գաւաթ հալած իւղ, 2 հաւկիթի դեղնուց:

Այտա Կոստանեան

Ակօս, 30.07.2010