Վանա լճի հյուսիս-արևելքում գտնվող կղզու անունը կրող պատմական Չարփանաք (Կտուց) եկեղեցին գրատախտակ է դարձել սիրահարվածների համար: Եկեղեցի այցելող տեղացի զբոսաշրջիկներն իրենց բողոքն արտահայտեցին այդ տեսարանի կապակցությամբ:
Չիթյորեն գյուղի մոտակայքում գտնվող Չարփանաք եկեղեցու ներսի և դրսի պատերին որոշ անպատասխանատու անձանց կողմից տարբեր գույներով գրված թվերը, սիրային խոսքերը և անունները տեղիք են տալիս տեսնողների հակազդեցությանը: Հատկապես շաբաթվա վերջերին մակույկներով կղզի եկող տեղացի այցելուները չեն կարողանում իրենց զարմանքը թաքցնել այդ տեսարանի առաջ: Տեղացի զբոսաշրջիկները նշելով, թե եկեղեցու ներսի և դրսի պատերին գծված սրտերի մեջ սեփական անուններն ու իրենց սիրելիների անունները գրողները ամենաանհարգալից վերաբերմունքն են ցուցաբերում պատմության նկատմամբ, հայտնեցին, որ սույն խնդրով հետաքրքրվելու են նաև ապագայում և հետևյալն ասացին այդ կապակցությամբ. «Թող նահանգապետարանը գտնի այս գրությունները թողնողներին և պատժի նրանց»:
Լավ պահպանված վիճակում մեր օրեր հասած Չարփանաք կղզու վրա գտնվող այս եկեղեցին, ենթադրաբար, կառուցվել է 11-րդ դարում: Ըստ ավանդազրույցի` Կտուց վանքը կառուցվել է հետևյալ չորս պահապանների պատվին` Սուրբ խաչի, Սուրբ Հռիփսիմեի, Սուրբ Գրիգորի և Սուրբ Հովհաննեսի: Վանքի համալիրն ունի մի եկեղեցի, եկեղեցուն կից ժամատուն, հրեշտակապետի մատուռը, գրադարան, հյուրատուն, քահանայի բնակարաններ և գերեզմաններ:
internethaber.com
02.08.2010
Leave a Reply