Արձանների ցուցահանդես Աղթամարի եկեղեցում

Աղթամար կղզում գտնվող հայկական եկեղեցում, որի առաջին պատարագը նախատեսվում է  սեպտեմբերի 19-ին, այս օրերին կազմակերպվում է մեկ միջոցառում ևս: Եկեղեցում առաջին անգամ իրականացվում է արձանների ցուցահանդես:

«Ա~խ, Թամարա» խորագրով ցուցահանդեսի շրջանակներում ցուցադրվում են 17 քանդակագործի ստեղծագործություններ: Արվեստագետներն իրենց արձանների միջոցով փորձել են արտահայտել այն զգացմունքներն ու գաղափարները, որոնք վերաբերում են Աղթամարին:

Վանի նահանգապետ Մյունիր Քարալօղլուն, ելույթ ունենալով ցուցահանդեսի բացմանը, այն կարևորեց` զբոսաշրջության զարգացմանը խթանելու տեսանկյունից:

Քարալօղլուն նշեց նաև հետևյալը. «Վանի համար կարևոր է, որ այսօր այս հուշարձան-թանգարանում արձանների ցուցահանդես է բացվել: Մենք այլևս ուզում ենք, որ վանեցի մանուկները ոչ թե նետեն, այլ հղկեն քարը»:

Ցուցահանդեսը գործելու է մեկ շաբաթ:

cnnturk.com
02.08.2010