Թուրքիայում հայ զբոսաշրջիկ է կորել

Հանգստանալու նպատակով Թուրքիա մեկնած Հայաստանի Հանրապետության քաղաքացի Աննա Դավթյանը կորել է Անկարայում:

Թուրքական Sabah օրաթերթի փոխանցմամբ` 29-ամյա Աննա Դավթյանը, որն իր ընկերոջ հետ Անթալիա էր ժամանել հուլիսի 15-ին, երկու օր հանգստանալուց հետո որոշում է վերադառնալ Դուբայ, որտեղ բնակություն է հաստատել մեկ տարի առաջ ամուսնանալուց հետո:

Հուլիս 17-ին ընկերոջից Անկարայի հյուրանոցներից մեկում բաժանվելուց հետո Աննա Դավթյանն առեղծվածային պայմաններում անհետացել է:

Դստերը գտնելու նպատակով Ստամբուլ է մեկնել Աննայի մայրը` Կարինա Դավթյանը, որը մտավախություն ունի, թե իր աղջկան առևանգել են:

«Աղջիկս գտնվում է 6 ամսական հղիության շրջանում: Նա ինձ միշտ զանգահարում էր: Վախենում եմ` նրան առևանգած լինեն»,- ասել է Աննայի մայրը:

 28.07.10

Tert.am