Վերացվեց փոքրամասնություններին պատկանող դպրոցները գրանցող հանձնաժողովը

Տարիներ ի վեր Ստամբուլի նահանգապետարանին կից գործող և աշակերտներին գրանցող` Փոքրամասնությունների դպրոցների գրանցումներն ընդունող հանձնաժողովն անցավ պատմության գիրկը: Փոքրամասնությունների դպրոցներում կրթություն ստանալ ցանկացող աշակերտներն իրենց ցանկացած դպրոցներում այլևս կարող են գրանցվել դպրոցի ղեկավարի կողմից: Ստամբուլի նահանգապետարանի ազգային կրթության վարիչ, դոկտոր Մուամմեր Յըլդըզի ստորագրությամբ հրապարակված «Փոքրամասնությունների` մասնավոր դպրոցներ աշակերտների ընդունման, գրանցման և տեղափոխման ընթացակարգը» գրությունը հուլիսի 19-ին ուղարկվեց Ստամբուլի բոլոր գավառների ազգային կրթության տնօրեններին: Ըստ այդ գրության` 2010-2011 թթ. ուսումնական տարում Ստամբուլում գործող փոքրամասնությունների դպրոցների տարրական և միջնակարգ ուսուցման բաժիններում կատարվելիք գրանցման ու տեղափոխման գործողություններն արվելու էին Միջնակարգ կրթության գլխավոր վարչության նշած հիմունքներով:

«Ճիշտ քայլ»

Փանգալթըի տարրական դպրոցի տնօրեն Գարեգին Պարսամյանը նշելով, թե Փոքրամասնությունների դպրոցների գրանցումներն ընդունող հանձնաժողովի վերացումը ճիշտ քայլ է եղել, նաև հետևյալն ասաց այդ կապակցությամբ. «Անցած ուսումնական տարվա մեջ, երբ որպես փոքրամասնությունների դպրոցների տնօրեններ` այցելեցինք ազգային կրթության տնօրենին, վերջինիս մեր մտահոգությունը հայտնեցինք այդ խնդրի մասին: Այդ ընթացակարգը երեք անգամ կրկնվում էր աշակերտի դպրոցական կյանքի ողջ ընթացքում` մանկապարտեզ, առաջին դասարան և լիցեյ ընդունվելու ժամանակ: Խնամատարները դժվարությունների էին հանդիպում գրանցման հանձնաժողովներում: Ողջ լինեն. նրբազգացություն ցուցաբերեցին այս հարցի նկատմամբ: Խնամատարներն այլևս ավելի հանգիստ կարող են կատարել գրանցման գործողությունները: Դա եղավ մի հրաշալի զարգացում, որն ուրախացրեց թե’ դաստիարակներին և թե’ խնամատարներին»:

Էրհան Օզթյուրք

sabah.com.tr
26.7.2010