Ժեստ հայոց պատրիարքին

Էգեմեն Բաղըշը շնորհակալություն հայտնեց Մութաֆյանին

Բաղըշն ասաց, որ պատրիարք Մութաֆյանը մեծ աջակցություն է ցուցաբերել Թուրքիայի` ԵՄ-ին անդամակցության գործընթացին:

Թուրքիայի պետնախարար ու եվրոանդամակցության գլխավոր բանագնաց Էգեմեն Բաղըշը հիվանդատեսի այց կատարեց ծանր հիվանդ Հայոց պատրիարք Մութաֆյանին: Բաղըշն ասաց, որ պատրիարք Մութաֆյանը մեծ աջակցություն է ցուցաբերել Թուրքիայի` ԵՄ-ին անդամակցության գործընթացին:

Թուրքիայի պետնախարար ու եվրոանդամակցության գլխավոր բանագնաց Էգեմեն Բաղըշը, երեկ այցելելով Գում Գափուում գտնվող Թուրքիայի հայոց պատրիարքարան, առողջություն մաղթեց խիստ ծանր հիվանդ պատրիարք Մեսրոպ-Մինաս Մութաֆյանին: Նախարար Բաղըշը հայտնելով, թե եկել է նաև պատրիարքի գլխավոր տեղապահ Արամ Աթեշյանին նոր պաշտոնում հաջողություններ մաղթելու նպատակով, ասաց. «Հարգարժան պատրիարք Մութաֆյանը, ԵՄ-ի անդամ բոլոր երկրներ այցելելով, մեծ աջակցություն է ցուցաբերել մեր անդամակցության գործընթացում»:

Էգեմեն Բաղըշը նաև հետևյալ մեկնաբանությունները տվեց լրագրողներին.

Աջակցություն ենք խնդրել

«Հարգելի Մութաֆյանը, որքանով ներել է առողջությունը, մեծ աջակցություն է ցուցաբերել Թուրքիայի` ԵՄ-ին անդամակցության գործընթացին: 2002-2004 թթ. Թուրքիայի հետ բանակցությունների ամսաթիվ ստանալու համար, նաև մեր խնդրանքը չմերժելով, այցերի է գնացել ԵՄ անդամ բոլոր երկրների մայրաքաղաքներ` ի աջակցություն մեզ: Դժբախտաբար նրա առողջական խնդիրներն այս պահին արգելք են հինդիսանում, որպեսզի իր ուզածի պես ծառայի թե’ իր համայնքին և թե’ մեր երկրին: Բացի այդ` անցած շաբաթ Թուրքիայի հայկական համայնքը պատրիարքի տեղապահ հռչակեց հարգելի Աթեշյանին: Այսօր այստեղ եմ գտնվում նաև` հարգարժան Աթեշյանին իր նոր պաշտոնում հաջողություններ մաղթելու նպատակով:

Խնդրել ենք Աթեշյանին

Անցած ամիս ԵՄ խորհրդարանականներին հրավիրել էինք մասնակցելու Վանում կազմակերպված մեր միջոցառումներին և այցելել Աղթամարի եկեղեցի: Հարգելի Աթեշյանից խնդրել էինք, որպեսզի որևէ մեկին ուղարկի, որը Աղթամարի եկեղեցում կկարողանար օգտակար լինել որպես թարգմանիչ և գիդ: Նա մեր խնդրանքին  պատասխանել էր. «Ե’ս կգամ»: Ցավալի զոհերի մասին լուրերից հետո այդ ծրագրերը չեղյալ հայտարարվեցին, և ԵՄ-ի խորհրդարանականները մասնակցեցին զոհերին հարգանքի տուրք մատուցելու արարողությանը, որից հետո նրանք ինձ ասացին. «Այս ահաբեկչական գործողությունը կընդգրկենք ԵՄ-ի օրակարգ»:

Էմրե Օզթյուրք

gazetevatan.com

25.7.2010