Պոլսահայերը պատրիարքի նոր ընտրություններ են պահանջում.Ռուբեն Մելքոնյան

«Երեկ ես ինֆորմացիա եմ ստացել, որ սկսվել է ստորագրահավաք, որով պահանջվում է անցկացնել պատրիարքի ընտրություններ և փոխանորդից պահանջվում է սեղմ ժամկետներում կազմակերպել ընտրություններ»,– անդրադառնալով Պոլսո հայոց պատրիարքի տեղապահի ընտրություններից հետո տիրող իրավիճակին՝ այսօր լրագրողների հետ հանդիպմանը նման հայտարարությամբ հանդես եկավ ԵՊՀ արևելագիտության ֆակուլտետի փոխդեկան Ռուբեն Մելքոնյանը։

Ըստ նրա` այդ ընտրություններից հետո հայ համայնքը դեռ չի հանգստացել, բայց համայնքի մի մասը, իհարկե, հարմավել է իրավիճակին։

Մելքոնյանի տեղեկություններով նոր ընտրությունների անցկացման համար երեկվանից սկսված ստորագրահավաքին արդեն մասնակցել է հայ համայնքի 2500 ներկայացուցիչ։

Հիշեցնենք, որ Պոլսո Հայոց Պատրիարք Մեսրոպ Արքեպիսկոպոս Մութաֆյանի ծանր հիվանդության պատճառով վերջերս տեղի ունեցան Պոլսո հայոց պատրիարքի փոխանորդի ընտրություններ, պատրիարքի փոխանորդ ընտրվեց արքեպիսկոպոս Արամ Աթեշյանը։

Tert.am

23.07.10